Английн шигшээн менежер байсан Свен Горан Эрикссон Кот’д Ивиорын шигшээ багийг удирдан 2010 оны ДАШТ-д оролцохоор боллоо.  Мексикийн шигшээ багийг ДАШТ-ий сонгон шалгаруулад амжилгүй удирдаж халагдсанаасаа хойш Свен нэг хэсэг Английн доод лигийн Ноттс Каунти багийн спорт эрхэлсэн захиралаар ажиллаж байгаа саяхан ажлаа хүлээлгэж өгсөн юм.

Хэдийгээр Кот’д Ивиорчууд Бразил, Португал, БНАСУ гэсэн үхлийн хэсэгт багтсан ч гэсэн Эриксон энэ бүхнийг тийм ч хүндээр хүлээж авахгүй байгаа юм байна. Тэрээр хэвлэлийнхэнд өгсөн ярилцлагадаа ”Надад одоо хийх ажил маш их байна. ДАШТ болоход хоёр сар хүрэхгүй хугацаа үлдсэн учраас багийнхантайгаа танилцаж судлах явдал хамгийн эхэнд хийх миний зүйл” гэжээ.
Эрикссон 2001–2006 оны хооронд Английн шигшээ багийг удирдсан бөгөөд түүний удирдлаган дор Гурван арслангууд хоёр ДАШТ, нэг ЕАШТ-д тоосоо өргөсөн юм. 2006 онд ажлаа Стив Макларенд хүлээлгэж өгсөнийхөө дараа Эрик Манчестер ситид ирж 2008 онд халагдах хүртлээ ажиллажээ.

Кот’д Ивиорын шилдэг тоглогчид тэр тусмаа Дрогба Эрикийг шинэ дасгалжуулагчаараа сонгогдсон баяртай байгаагаа хэлж байна. Эрикий өмнө Босни мэргэжилтэн Вахид Халихидзич 2008–2010 оны хооронд Кот’д Ивиорыг дасгалжуулж байсан юм.