“Шарлотт” – “Торонто” – 101:103 (18:18, 29:25, 31:29, 23:31)

Ш: Фелтон – 18. Жексон – 18. Уоллас – 17 + 8 самбар.

Т: Бош – 22 + 11 самбар. Барньяни – 16 + 9 самбар. Райт – 15.

Торонто тун чухал хожлыг Шарлоттын талбайгаас авлаа.  Эдгээр 2 баг нь Дорнод бүсийн плей-оффын сүүлийн 4 эрхийн төлөө өрсөлдөж буй 5 багийн тоонд багтаж байгаа бөгөөд хэрэв Торонто хожигдсон бол Булззтай хожил, хожигдол нь яг тэнцэх байв. Гэхдээ тэд өнөөдрийн тоглолтын 4-р үед тун сайн тоглож хожил авлаа. Рэпторс уг тоглолтын өмнө 3 дараалж, мөн сүүлийн 17 тоглолтынхоо 13-т нь хожигдсон учир 8-руу унаад байлаа. Тэд ийм огцом формоо алдаагүй бол одоо 5-р байраа баталгаажуулчихсан байх байсан биз. Рэпторсийн уг муу амжилт Бошийн гэмтэлтэй холбоотой.

Тоо 101:103 байхад Шарлотт уг нь сүүлийн довтолгоог хийсэн ч Рэймонд Фелтоний дамжуулалтыг Тайсон Чандлер хүлээж авч чадаагүй юм. Гэхдээ энэ Чандлерийн алдаа юу, Фелтоний алдаа юу хэлж мэдэхгүй нь.

Торонтогийн дараагийн 5 учраа нь Клипперс, Филадельфи, Голден Стэйт, Кливленд, Бостон бол Шарлоттын дараагийн 5 өрсөлдөгч нь Филадельфи, Милоуки, Чикаго, Атланта, Нью-Орлеанс ажээ.

“Нью-Жерси” – “Сан-Антонио” – 90:84 (27:33, 16:13, 19:20, 28:18)

Н: Лопес – 22 + 12 самбар. Ли – 19. Харрис – 17 + 9 дамжуулалт.

С: Хилл – 19. Жефферсон – 16. Данкан – 13 + 12 самбар.

Нетсийнхэн энэ улиралд өнөөдрийнх шиг баярлаагүй болов уу. Тэд талбай дээрээ Өрнөдийн шилдэг багуудын нэг Спэрсийг хожлоо. Ингэснээр Нетс улирлын 10 дахь хожлоо авч байгаа бөгөөд лигийн хамгийн муу үзүүлэлт болох 9-73-тай “харьцахгүй” болж байна. Нетс өнгөрсөн долоо хоногийн Мягмар гаригаас хойш 4 тоглохдоо 3 хожиж олныг гайхашруулсан амжилт үзүүлэв. НБА-ын 6 дивизионы тэргүүлэгчид бүгд (Кавальерс 2-1, Мэжик 2-1, Селтикс 2-1, Лейкерс 2-2, Маверикс 2-1, Наггетс 1-3) энэ хугацаанд Нетсээс муу амжилт үзүүлжээ.

Спэрс тоглолтыг давамгайлж байсан ч 4-р үед 15:4 гэсэн ран хийснээр хожил авсан байна. Нетс Спэрсийг 2003 оны шигшээ тоглолтын цувралд хожиж байснаасаа хойш нэг ч хожоогүй байжээ.

Спэрсийн хувьд Селтиксийг илт давуу хожсоныхоо дараа Нетст хожигдсоноор бүсдээ 8-руу уналаа. 8-аар плей-оффт гарвал Лейкерстэй таарна гэсэн үг.

Спэрсийг сүүлийн сарын хугацаанд авч явсан Ману Жинобили нурууны гэмтлийн улмаас тоглоогүй. Магадгүй Попович түүнгүйгээр баг нь хожиж чадна гэж бодоод амраасан биз.

“Нью-Орлеан” – “Лейкерс” – 108:100 (27:22, 23:20, 27:21, 31:37)

Н: Уэст – 20. Торнтон – 18. Коллисон – 17.

Л: Брайант – 31. Газоль – 26 + 22 подбора. Артест – 14.

Крис Пол формондоо орж байна. Гэхдээ оройтсон л доо, Хорнетс плей-оффт шалгарах найдваргүй болсон.

Гэхдээ л тэд энэ улирлын томхон хожлын нэгийг талбай дээрээ авлаа. НБА-ын аварга Лейкерсээс тоглолтын турш давуу тоглож хожив. Пол эргэн ирснээсээ хойш анх удаа дабл-дабл хийжээ.  Тэрээр өмнөх тоглолтууддаа харьцангуй бага хугацааг талбайд өнгөрөөж байсан бол энэ тоглолтонд 39 минут тогложээ.

Лейкерс довтолгоондоо муу байгаагүй ч хамгаалалтандаа тааруу байснаас хожигдов.

Эндрью Байнум тоглох боломжгүй хэвээрээ байгаа бөгөөд Фил Жексон лав түүнийг хэзээ тоглох боломжтойг хэлж мэдэхгүй байна гэжээ.

Даллас – Денвер – 109:93 (31:23, 24:23, 24:23, 30:24)
Дал: Новицки (34+10 самбар+10 дамжуулалт), Мэрион (21), Терри (15)
Ден: Смит (27), Нене (14), Биллапс (11)

Даллас Мавериксийн лидер Дирк Новицки энэ олон жил дээд түвшинд тоглохдоо ердөө 2 дахь удаагаа л трипл-дабл хийлээ. Гэхдээ улирлын чухал тоглолтонд. Тэрээр талбай дээрээ Денверийн эсрэг 34 оноо, 10 самбар, 10 оновчтой дамжуулалт хийн багаа тэргүүлж, Даллас хожсоноор бүсийнхээ 2-р байранд залрав. Ер нь энэ тоглолт бол Өрнөдийн 2-р байрны төлөөх тоглолт байсан гэхэд хилсдэхгүй.

Денвер хожигдсоноор 2-оос шууд 5-руу унав. Денверийн муу тоглолтууд үргэлжилсээр. Жорж Карл болон Кенион Мартин нар үнэхээр үгүйлэгдэж байна. Мөн өнөөдөр Мело, Чонси нар тун муу довтолжээ. Мелог Шон Мэрион сайн хамгаалсан аж.  Мело 16 довтолгооныхоо 13-ыг нь алдаж, улирлын хамгийн бага 10-хан оноо авчээ.

Кенион Мартин 14 дэх тоглолтоо дараалан өвдөгний гэмтлийн улмаас өнжиж байгаа бөгөөд тэрээр Новицкиг сайн хамгаалдаг нэгэн. Гэвч Кенионий эзгүйд Дирк хүссэн бүхнээ хийлээ.

Юта – Нью-Йорк – 103:98 (44:30, 20:30, 23:27, 16:11)
Ю: Бузер (26+14 самбар), Д.Уильямс (23+14 дамжуулалт), Миллсэп (14+10 самбар)
Н-Й: Харрингтон (26+17 самбар), Ли (16), Родригес (14)

Юта талбай дээрээ Никсийг хожсоноор дивизионыхоо тэргүүнд бичигдэж эхэллээ. Жазз эхний үед 3 онооноос 7 удаа оновчтой довтолж нийт 44 оноо авсан ч Никс 3-р үеийн төгсгөл гэхэд тоог барьжээ. Гэвч 4-р үед Юта тун сайн хамгаалж Никст ердөө 11-хэн оноо алдсан байна.

Хэдий Жазз дивизионоо тэргүүлж эхэлсэн ч одоогоор юу ч шийдэгдээгүй. Үлдсэн тоглолт бүр чухал бөгөөд Даллас, Жазз, Санс, Наггетс багуудын 2, 3, 4-р байрын төлөөх өрсөлдөөн улирал дуусахад л өндөрлөнө.

Perfect 10, 7.8 out of 10 based on 5 ratings