Жирондин Бордогийн энэ жилийн аваргуудын лигт байгуулаад байсан 7 дараалсан ялалт Стад де Жерландад ирээд зогсох учиртай байжээ. Лоран Бланы цэргүүд өнгөрсөн амралтын өдөр Францын цомын финалд ялагдаж сэтгэлзүйн тааруухан байдалтай байсан нь тоглолтонд нь нөлөөлсөн бололтой. 10 дахь минутад Лисандро Лопез Бодмер, Пьяничийн тусламжтайгаар гоолдож Лион тэргүүлж эхэллээ. Гэхдээ үүнээс ердөө дөрвөн минутын дараа Шамах хариуг нь барьж мөчөөгөө өгөхгүй гэдгээ нотолсон.

Гэвч 35 дахь минутад Миралем Пьяничийн зүүнээс өгсөн хөндлөн дамжуулалтыг Миралем Пьяничз Мичел Бастос   чулуу болгож дахин талбайн эзэд тэргүүлж эхэллээ. Өнгөрсөн зун Лиллээс ирсэн энэ залуу довтлогч аваргуудын лигт 3 дахь гоолоо оруулж байгаа юм. Нэгэнт талбай дээрээ тэргүүлж эхэлсэн учраас Пуел хамгаалах тактикийг барьж 65 дахь минутад Ким Чельстрем, Сидни Гову нарыг оруулж ирлээ.

Харин Лоран Блан анхны сэлгээгээ дөнгөж 71 дахь минутад хийж Венделийн оронд  Жуссиг оруулж ирсэн. Харамсалтай нь 76 дахь минутад Матье Шальме бөмбөгөнд гар хүрч Лион торгуулийн цохилт гүйцэтгэх эрх авсан. Цохилтыг Лисандро гүйцэтгэж энэ үдшийн 2 дахь гоолоо Седрик Каррассогийн хаалганд оруулжээ. Хариу тоглолтонд Лионд аюул тарьж мэдэх нэг асуудал  хоёр гоолын эзэн Лисандро, Гову нар  торгуулийн улмаас оролцох боломжгүй болсон явдал юм.

Хэдийгээр Бордо бөмбөгий илүүтэй эзэмшиж, олон цохилт гүйцэтгэсэн ч хамгаалалтын алдаанаасаа болж хариу тоглолтонд 3 гоолын зөрүүтэй ялах шаардлагатай болж байна. Хэдийгээр ялагдсан ч гэсэн Лоран Блан багийнхаа тоглолтонд тийм ч сэтгэл дундуур биш байна. Тэд талбайдаа ирэх долоо хоногт Лионыг хүлээж авах учраас боломж бас байгаа.

Лион. Стадион “Стад де Жерлан”. Шүүгч - Феликс Брых (Герман) ЛИОН – БОРДО - 3:1 (2:1) Лисандро, 10 (1:0). Шамах, 14 (1:1). Бастос, 32 (2:1). Лисандро, 77-с пенальти (3:1). Лион Бордо Уго Льорис Седрик Каррассо Антуан Ревейер Матье Шальме (82) Крис Людовик Сане Матье Бодмер Микаэль Сиани Али Сиссоко Бенуа Тремулинас Сесар Дельгадо (86) Йоанн Гуффран (84) Жан Макун Ярослав Плашил Жереми Тулалан Фернандо Менегаццо Миралем Пьянич (65) Йоанн Гуркюфф Мичел Бастос (65) Вендел (71) Лисандро Лопес Маруан Шамах Сэлгээ Ким Чельстрем, 65 Жусси, 71 Сидни Гову, 65 Энрике, 82 Максим Гоналон, 86 Давид Бейон, 84 Шар хуудас Сидни Гову, 74 Лисандро Лопес, 80