Ливерпуль ирэх улиралд Аваргуудын лигт өрсөлдөхөд хэцүү боллоо. Тэд өчигдөр ПЛ-ийн 33-р тойргийн тоглолтоо Бирмингемтэй хийж 1:1-ээр тэнцсэн байна. Ингэснээр тэд 55 оноотой болж байгаа ба Манчестер Сити тэднээс 1 тоглолт дутуу ч 59 оноотойгоор 4-р байрыг эзэмшиж байгаа юм. Сити дутуу тоглолтондоо хожил авбал Ливерпулээс 7 оноогоор тасарна. Мөн Тоттенхэм ч Ливерпулээс 1 тоглолт дутуу ч 3 онооны илүү байгаа.

Рафа Бенитез ийн Бирмингемийг ПЛ-т хожиж чадаагүй 8 тоглолтын ард гараад байна. Бирмингем талбай дээрээ 7 сарын турш хожигдоогүй цувралаа ч үргэлжлүүлэв. ПЛ-ийг тэргүүлж байгаа 6 баг бүгдээрээ Бирмингемд оноо алдаад байгаа гэнэ.

“Сайн оноо лав биш. Бирмингем талбайдаа энэ улиралд тун сайн тоглож байна. Бид хожих эрхтэй байсан. Эхний хагаст сайхан боломж гаргасан, 2-р хагаст бүр ч олон боломжууд гаргаж байсан…Улирал дуусах болоогүй, өшөө оноонууд авах боломж хэвээр байгаа. 6 тоглолтын өмнө бол 1 тэнцээд 5 хожих боломжтой гэж байсан. Харин одоо үлдсэн 5 тоглолтондоо бүгдэд нь хожих хэрэгтэй ” гэж Рафа Бенитез хэлж.

Мөн Торресийг сэлгээнд суулгасан тухайгаа: “Тэр гэмтээгүй, харин үнэхээр ядарсан байсан. Мягмар гаригт Бенфикатай тоглох тоглогчдын нэг тул амраасан.” гэжээ.

4-р байрын төлөө өрсөлдөгч Манчестер Сити энэ тойрогт Бёрнлиг 6:1-ээр бут ниргэлээ. Ердөө эхний 5 минутанд л тэд 2 гоол хийж амжсан төдийгүй эхний хагасыг 5:0-ээр өндөрлүүлсэн байна.

Халл Сити энэ улиралд лигтээ өрсөлдөгчийнхөө талбайд нэг ч хожил авч чадаагүй хэвээр үлдэв. Энэ тойрогт тэд Стокийн талбайд зочлоод 2:0-ээр хожигдов.

Эвертон тоглолтын явцад 2 ч удаа тэргүүлж байсан ч тухай бүртээ тэнцээний гоол алдаж, Вест Хэмтэй оноо хуваажээ.

Фулхэм Уигантай тоглохдоо 2-р хагаст маш сайн байж 2:1-ээр хожив.

Эвертон — Вест Хэм 2:2

Гоол: Билялетдинов, 24; Якубу, 85 – да Кошта, 60; Илан, 87
Эвертон: Ховард, Бейнс, Дистин, Хейтинга, Ягелка, Кэхилл, Осман (Родуэлл, 83), Билялетдинов (Якубу, 65), Невилл, Пинар, Саа
Вест Хэм: Грин, Спектор, Апсон, да Кошта, Фобер, Ноубл,Станислас (Габиддон, 90), Ковач, Паркер, Мидо (Илан, 77), Коул

Бирмингем Сити — Ливерпуль 1:1

Гоол: Риджвелл, 56 – Джеррард, 47
Бирмингем: Харт, Риджвелл, Данн, Джонсон, Карр, Фехи, Бойер, Фергюсон, Гарднер, Макфадден (Филлипс, 78), Джером
Ливерпуль: Рейна, Джонсон, Инсуа, Кирьякос, Каррагер, Бенаюн (Бабель, 71), Родригес, Лукас, Джеррард, Торрес (Нгог, 65), Кюйт (Аквилани, 81)

Фулхэм — Уиган 2:1

Гоол: Окака Чука, 47; Хангеланн, 58 – Скотланд, 34
Фулхэм: Шварцер, Кончески, Хангеланн, Хьюз, Дэмпси, Этуху, Мерфи (Бейрд, 88), Гера, Дэвис, Дафф, Эльм (Окака Чука, 46; Невланд, 88)
Уиган: Кирклэнд, Брамбл, Мельхиот, Фигуэроа, Маккарти, Нзогбия (Уотсон, 85), Шарнер, Диаме, Морено (Синклейр, 85), Скотланд (Мозес, 61), Родаллега

Бёрнли — Манчестер Сити 1:6

Гоол: Флетчер, 72 – Адебайор, 4, 45; Беллами, 5; Тевес, 8; Виейра, 21; Компани, 58
Бёрнли: Йенсен, Фокс, Корт, Дафф, Александер, Мирз, Макдональд (Эллиотт, 46), Иглз, Блейк (Корк, 46), Ньюджент, Флетчер (Патерсон, 81)
Манчестер Сити: Гивен, Онуоха, Силвиньо (де Йонг, 67), Компани, Туре, Джонсон, Барри, Виейра, Адебайор (Санта Крус, 79), Беллами, Тевес (Нимели, 83)

Сток Сити — Халл Сити 2:0

Гоол: Фуллер, 5; Лоуренс, 90
Сток Сити: Соренсен, Хут, Коллинз, Файе, Хиггинботам, Лоуренс, Этерингтон, Делап, Уилан (Уайтхэд, 73), Китсон (Сидибе, 84), Фуллер (Санли, 46)
Халл Сити: Майхилл, Муйоколо, Менди, Макшейн, Боатенг, Гарсия (Веннегор оф Хесселинк, 72), Килбейн, Марни (Жеованни, 58), Буллард, Фолан (Алтидор, 64), Фаган