Энэ оны 3 дахь гарааны ялагч нь Себастьян Феттель боллоо. Дэд байранд мөн түүний багийн анд Марк Уэббэр орсон бөгөөд Малайзийн гран-прид тэд давхар цохилт хийв. Ред Булл, ялангуяа Феттель эхний гараанаас эхлээд л тун хурдан байсан ч азгүйтээд байлаа. Гэхдээ өнөөдрийн гран-прид тэр үнэхээр төгс байсан гэхэд болно.

Байрлал тогтоох уралдаанд Уэббэр түрүүлсэн ч эхний тойрогт л Феттельд байраа алдсан. Гэхдээ дахиж байр алдаагүй.

Мерседесийн Нико Росберг подиум дээр гарч чадсан бол  түүний багийн Михаэль Шумахер барианд орж чадаагүй, техникийн гэмтлийн улмаас уралдаанаа дуусгажээ.

Өчигдрийн байрлал тогтоох уралдааны үеэр бороо орж, топ багуудын амжилтыг хойш нь татсан. Хэмилтон лав 20-р байраар гараанаас гарсан ч барианд 6-д орж чаджээ. Тэрээр энэ амжилтандаа сэтгэл хангалуун байгаагаа хэлж. Мөн Женсон Баттон 17-оос гараа хийгээд 8-р барианд орсон байна.

Реногийн Роберт Кубица бас нэгэн дажгүй уралдаанаа хийжээ. Тэрээр 4-т орсон бол Форс Индиагийн А. Сутли 5-д орсон. Сутил Хэмилтоноос байраа сайн хамгаалж байв.

2008 оны дэлхийн аваргын араас Фелипе Масса орсон бөгөөд тэрээр 21-ээр гараа хийгээд 7-р бариалжээ. 6 оноо авсан Масса ДАШТ-ийг тэргүүлж эхлэв.

Харин Массагийн багийн Алонсо уралдааныг дуусгаж чадаагүй. Тэрээр энэ долоо хоног их хүнд байлаа, өчигдрийн байрлал тогтоох уралдаан болон өнөөдрийн гараанд алдаа гаргасан гэж хэлсэн бол Масса хойгуур байраар гараа хийсэн ч 7-д орж чадсан нь төсөөлж болох хамгийн сайн амжилт гэж хэлсэн байна. Харин багийн босс Стефано Доминекалли Малайзийн гран-пригийн үр дүнд баярлах ямар ч зүйл байхгүй гэжээ.

Малайзийн гран пригийн дүн:

1. Себастьян Феттель (“Ред Булл”) – 1:44,711
2. Марк Уэббер (“Ред Булл”) + 4,8
3. Нико Росберг (“Мерседес”) + 13,5

4. Роберт Кубица (“Рено”) + 18,5
5. Адриан Сутиль (“Форс-Индиа”) + 21,0
6. Льюис Хэмилтон (“Макларен”) + 23,4
7. Фелипе Масса (“Феррари”) + 27,0
8. Дженсон Баттон (“Макларен”) + 37,9
9. Хайме Альгерсуари (“Торо Россо”) + 70,6
10. Нико Хюлькенберг (“Уильямс”) + 73,3
11. Себастьен Буэми (“Торо Россо”) + 78,9
12. Рубенс Баррикелло (“Уильямс”) – 1 тойрог
13. Фернандо Алонсо (“Феррари”) – барианд ороогүй
14. Лукас ди Грасси (“Верджин”) – 3 тойрог
15. Карун Чандок (“HRT”) – 3 тойрог
16. Бруно Сенна (“HRT”) – 4 тойрог
17. Ярно Трулли (“Лотус”) – 5 кругов
18. Хейкки Ковалайнен (“Лотус”) 10 тойрог
19. Виталий Петров (“Рено”) – барианд ороогүй
20. Витантонио Лиуцци (“Форс-Индиа”) – барианд ороогүй
21. Михаэль Шумахер (“Мерседес”) – барианд ороогүй
22. Камуи Кобаяси (“БМВ-Заубер”) – барианд ороогүй
23. Тимо Глок (“Вержин”) – барианд ороогүй
24. Педро де ла Роса (“БМВ-Заубер”) – барианд ороогүй