Маргааш Английн Английн Премьер Лигийн 7 тоглолт болно.
19:45 Манчестер C. – Манчестер Ю.
22:00 Бирмингхэм С. – Халл С.
22:00 Блэкбёрн Р. – Эвэртон
22:00 Фулхэм – Волверхэмптон
22:00 Стоук C. – Болтон В.
22:00 Сандэрлэнд – Бёрнли
00:30 Тоттенхэм Х. – Челси
Эдгээрээс Манчестерийн дерби хамгийн сонирхол татах тоглолтуудын нэг билээ.

Нэг хотын энэ 2 багийн тоглолт үргэлж сонирхол татсан, “гал” гарсан, өрсөлдөөнтэй тоглолт болдгыг бид бүгд мэднэ. Энэ улирлын эхний тоглолт ч үүнийг баталсан. 2009 оны 9 сарын 20-нд болсон уг тоглолт маш ширүүн өрсөлдөөнтэй явагдаж Манчестер Юнайтед нэмэлт цагт М.Овены хийсэн гоолын ачаар 4-3 харьцаатайгаар шинэ эзэнтэй болж, ихээхэн хөрөнгө оруулалтын дүнд огцом хүчирхэгжсэн хөрш Манчестер Ситиг талбай дээрээ буулган авсан.
Харин энэ удаагийн тоглолт зүгээр нэг дерби биш гэдгээрээ мөн онцлог болохоор байна. 3 жил дарааллан АПЛ-ийн цом авч гайхалтай амжилт үзүүлээд байгаа МанЮ, лиг тэргүүлэгч Челси клубээс 4 онооны ард нэхэн яваа. Харин Ман.Сити лигийн топ4-т үлдэж дараа жилийн Аваргуудын Лигийн тоглолтонд орох эрх авч багийнхаа түүхэнд шинэ хуудас нэмэхээр хичээж байгаа. /Ман.Сити одоогоор 62 оноотойгоор лигийн хүснэгтийн 4-р байранд байна/ Энэ утгаараа аль аль багт зөвхөн хожил хэрэгтэй.

МанЮ-н дасгалжуулагч С.А.Фергусон: Энэ урьд өмнө болж байгаагүй, чухал дерби тоглолт байх болно.
МанСити-н дасгалжуулагч Р.Манчини: Баг сайн тоглож байна. Гэхдээ би өмнө нь хэлж байсан, бид илүү сайн байж МанЮ болон үлдсэн тоглолтуудаа бүгдийг нь ялахын төлөө тоглоно.
Энэ жил 2 баг Карлинг цомын хагас шигшээд мөн таарч тоглосон бөгөөд МанСити талбай дээрээ МанЮ-г 2:1 –р хожсон боловч, Олд Траффорд-д хийсэн хариу тоглолтонд 3-1 харьцаатайгаар МанЮ хожин цаашид финалд шалгаран, түрүүлсэн байгаа. Ингээд 2 багийн таарч тоглосон сүүлийн 7 тоглолтын дүнг танилцуулъя.

Сүүлийн таарч тоглосон тоглолтууд
Огноо Тоглолтын дүн Тэмцээн
2010.01.27 МанЮ 3 – 1 МанСити Карлинг цом
2010.01.19 МанСити 2 – 1 МанЮ Карлинг цом
2009.09.20 МанЮ 4 – 3 МанСити АПЛ
2009.05.10 МанЮ 2 – 0 МанСити АПЛ
2008.11.30 МанСити 0 – 1 МанЮ АПЛ
2008.02.10 МанЮ 1 – 2 МанСити АПЛ
2007.08.19 МанСити 1 – 0 МанЮ АПЛ

Гэмтэлтэй байгаа тоглогчид.
МанСити: Ж.Лескот, М.Петров, М.Жонсон. Албан ёсны вэб хуудас дахь мэдээлэлд дурдсанаар гэмтэлтэй байсан С.Айрлэнд, У.Бридж, П.Виера эргэн ирж байгаа бол, торгуултай байсан П.Забалета мөн тоглох боломжтой болжээ.
МанЮ: Д.Велбек, У.Браун, М.Овен, Андерсон. Түүнчлэн МанЮ-н сүүлийн тоглолтуудын форм, дэрби тоглолтын ач холбогдол, заавал хожих хэрэгтэйг бодолцож үзвэл У.Рууний гэмтлээс ирж маргаашийн тоглолтонд оролцох магадлал тун өндөр байсан бол энэ мэдээллийг Фергусон баталсан байна.

Дерби тоглолттой холбоотой зарим тоон мэдээллээс:
- Р.Гиггз 1991 оноос хойш дэрби буюу МанСити-н эсрэг 28 тоглолтонд оролцсон байна.
- “Хотынхон” лигд таарсан сүүлийн 3 тоглолтондоо МанЮ-д хожигдсон.
- МанЮ лигд Ман.Сити-тэй хийсэн сүүлийн 12 тоглолтоос зөвхөн ганц тоглолтод л гоол хийж чадаагүй. Тэр нь 2007.08.19 МанСити 1-0 МанЮ.
- АПЛ-г У.Рууний 26 гоолтойгоор тэргүүлж байгаа бол К.Тевез 22 гоолтойгоор жагсаалтын 3-т бичигдэж байна.
- МанЮ лигийн сүүлийн 7-н тоглолтын 5-д нь хаалгандаа гоол алдаагүй.
- АПЛ-д У.Рууний сүүлийн 3 тоглолт дарааллан гоолдсон. Нийт 5 гоол.
- АПЛ-д К.Тевез сүүлийн 8 тоглолтонд 10 гоол хийсэн.