Манчестер ситигийн менежер Роберто Манчиниг Английн хөлбөмбөгийн холбооноос зохисгүй үйлдэл гаргасных нь төлөө 20.000 фунтээр торголоо. Манчини өнгөрсөн 3 сарын 24-нд Эвертон – Манчестер ситигийн тоглолтын үеэр өрсөлдөгч багийн дасгалжуулагч Дэвид Мойсыг түлхэж хэл амаар доромжилсон тул ийнхүү шийтгүүлсэн аж.

Түүний шийтгэл үүнээс ч хүнд байж болох байсан ч Английн хөлбөмбөгийн холбоо итали эрийг харж үзсэн бололтой. Тэрхүү тоглолтонд Сити 2 : 0-ээр ялагдсан бөгөөд тоглолтдоо шатсан Итали эр дараа нь хийсэн үйлдлээсээ уучлал гуйсан юм. Маргааш 4 сарын 17-нд Манчестер сити  улиралын хамгийн чухал тоглолтоо дерби Манчестер Юнайтедтэй хийнэ. Сити оф Манчестер цэнгэлдэхэд явагдах энэхүү тоглолтоос шалтгаалж Ман сити 4-р байранд орж чадах уу, МанЮ түрүүлж чадах уу гэсэн асуултын хариулт тодрох юм. Энэхүү тоглолтоос гадна маргааш ПЛ-гт

00.30. ТОТТЕНХЭМ – ЧЕЛСИ
22.00. БЛЭКБЕРН – ЭВЕРТОН
22.00. БИРМИНГЕМ – ХАЛЛ СИТИ
22.00. ФУЛХЭМ – ВУЛВЕРХЭМПТОН
22.00. СТОК СИТИ – БОЛТОН
22.00. САНДЕРЛЕНД – БЕРНЛИ

гэсэн тоглолтууд явагдана.