Спрайт лиг-ийн плей-оффийн эхний шатны тоглолтууд үргэлжилж байна. Зүүн бүсээс 2-р шатанд шалгарах багууд тодроод байгаа бол баруун бүсэд 3 шийдвэрлэх тоглолт болох нь.

Хасу Мегаватт – Бридж Старс

Хасу Мегаватт баг Бридж Старс өсвөрийн багийг төвөггүйхэн 2 дараалж хожсоноор хамгийн түрүүнд Playoff-н 2-р шатанд шалгарлаа. Одоо тэд Монатка – Мон Аз багуудын 3-дахь тоглолтонд хожсонтой нь учраа таарна. Хасу Мегаватт багийн хувьд довтолгоо хамгаалалт сайтай, 2 тавтын бүрэлхүүн жигд, Спрайт лигийн аварга авах өндөр боломжтой баг юм.

Сак гард  – MCS 84:64

Зүүн бүсийн 1-р гарч Спрайт лигийн улирлын тоглолтын шилдэг амжилтыг үзүүлсэн Сак гард баг цувралын  2 дахь тоглолтонд 84:64-р MCS багийг буулгаж авахад нийт №11 Тамир 9 довтолгооны 8-г нь амжилттай болгож 16 оноо 12 самбар, №16 Цэнгүүнбаяр 15 оноо 8 самбар тус тус авч Playoff-н 2-р шатанд Скайтелйин Шонхорууд багтай учраа таарлаа. Харин MCS багаас №1 Цэрэнбат 18 оноо 4 ашигтай дамжуулалт хийж багаа тэргүүлжээ.

Сак гард багийн хувьд өмнө дээд лигт тоглож байсан Батзаяа, Наранбаатар нараар хүч нэмснээр шигшээ тоглолтонд үлдэх магадлал өндөр байна.

Seokyung Wolves – ХХБанк 89:66

Эхний тоглолтонд багийн гол тоглогчидгүй тоглосоны улмаас хожигдол хүлээсэн Seokyung Wolves-чүүд 2 дахь  тоглолтонд гол тоглогчидоо оролцуулан нямбай тоглож 89:66 -н харьцаатайгаар  ХХБанк багийг хожсоноор цувралын харьцааг тэнцүүллээ. Seokyung Wolves багаас №12 Хишигбаяр 80%-н амжилттай довтолж 21 оноо, №18 Галдан 14 оноогоор багтаа тус болов. ХХБанк багаас №4 Тайванхүү 25 оноо 5 самбар авч сайн тоглосон ч 8 удаа бөмбөгөө алдсан байна. Seokyung Wolves багийн хувьд багийн гол холбон тоглогч болох Никгүй тоглож байгаа нь амжилтанд нь нөлөөлж байна.

Хаан банк – Их Харанга 87:65

Хаан банкны залуус улирлын эхнээс л  хамгаалалт довтолгоондоо жигд байсан эрчээ алдалгүгээр Playoff -н эхний шатны учраагаа 2 дараалан төвөггүйхэн хожиж 2-р шатанд шалгарлаа. 2 дахь тоглолтонд №3 Батжин 17 оноо 9 самбар, №9 Алтангэрэл 17 оноо 8 самбар авч багаа тэргүүлж хожил авахад гол үүрэг гүйцэтгэжээ. Их харанга багаас №10 Энхболд 23 оноо 11 самбар, №6 Мөнхөө 12 оноо 7 самбар 6 бөмбөг таслалт хийжээ. Хаан банк багийн 2-р шатний учраа нь Спрайт “Б” лигт таарч байсан ОТИС-ын баг. Эдгээр багуудын хооронд маш өрсөлдөөнтэй үзүүштэй тоглолтууд болох нь мэдээж.

Cass SBL – ЭлектроМон Сеть 56:60

Эхний тоглолтонд муу хамгаалж холын зайнаас олон оновчгүй довтолж хожигдсон Электро Мон Сеть баг 2-дахь тоглолтондоо алдаагаа засаж цувралын харьцааг тэнцүүллээ. Энэ тоглолтонд  ЭлектроМон Сеть багаас №15 Зэсэмдорж 15 оноо 8 самбар 3 о.д хийж багтаа гол үүрэг гүйцэтгэв. Cass SBL багийн хувьд багаараа 17 удаа бөмбөгөө алдаж нийт 15 торгуулийн шидэлт алдсан нь хожигдох гол шалтгаан болов. №1 Алтанбагана 17 оноо 10 самбар авч багаа тэргүүлжээ.

ОТИС – Прайм даатгал 72:71

Playoff-н эхний шатны цуврал тоглолтуудын  хамгийн сонирхолтой нь  өнгөрсөн жилийн Спрайт лигийн аварга болон энэ жилийн Спрайт Б лигийн аварга багуудын цуврал  байв. Эхний тоглолтоноо 2 ч удаа нэмэлт цаг сунгаж хожигдсон, харамсалтай хожигдсон Прайм Даатгал баг 2 дахь тоглолтондоо маш сайн нямбай тоглолтыг үзүүлж, сүүлийн минут хүртэл оноогоор илүү явсан ч тоглолтын төгсгөлийг муу хийж, дараалсан довтолгоонуудаа алдсанаар хожигдлоо. Прайм Даатгал багийн №8 Амарсайхан цаг дуусч байхдаа зэрэгцэн самбараас бөмбөг авч, самбар доороос сул шидэлтээ алдсанаар ганцхан оноогоор хожигдон playoff-с хасагдав.  Прайм Даатгал багаас №12 Даваасамбуу 5 оноо 20 самбар, №26 Баясгалан 11 оноо 11 самбар авсан бол ОТИС багийн №12 Олдохбаяр 16 оноо 4 самбар, №10 Онон 14 оноо 7 самбар гэсэн статистик үзүүлсэн байна.

2 тоглолт, 2 нэмэлт цаг, 2 тоглолтын нийт онооны зөрүү 4.

Үнэхээр сонирхолтой, өрсөлдөөнтэй цуврал болсон ч өмнөх жилийн аваргуудаас аз алхам хол байлаа. Спрайт лигт аваргаа хамгаалсан баг энэ жил мөн л гарахгүй нь.

ОТИС-ийн баг  2-р шатанд хүчирхэг багуудын нэг болох Хаан банктай учраа таарсан.

Монатка – Мон Аз 78:67

Эхний тоглолтондоо цаг дуусаж байх мөчтэй уралдаж шидсэн 3-онооны шидэлт гүйцэтгэхдээ 3 онооны зураасан дээр гишгэснээр 2 оноо авч цаг сунгах боломжоо алдаж хожигдсон Монатка багийн хувьд 2-дахь тоглолтондоо илт давуу хожиж цувралыг тэнцүүллээ. Энэ хожил тэдний хувьд үнэтэй ирэв. Багийн шилдэг тоглолгчдын нэг болох №6 Төрмандах нь техникийн алдаа авсан учир шийдвэрлэх 3 дахь тоглолтыг өнжинө. Монатка багаас №7 Эрхбаялаг 23 оноо 3 самбар, №11 Идэр-Ууган 11 оноо 20 самбар, Мон Аз багаас №16 Пүрэвдорж 16 оноо 6 самбар 4 о.д.

Скайтелийн Шонхорууд – ТЭЦ4 68:55

Скайтелийн Шонхорууд баг эхний шатний учраагаа төвөггүйхэн ялж 2-р шатанд шалгарлаа. Тэд 2-р Шатанд Спрайт Б лигийн дэд аварга Сак гард багтай учраа таарчээ. Скайтелийн Шонхорууд багаас №13 Майбаяр 19 оноо 5 самбар, №8 Батбаяр 15 оноо 5 самбар, №5 Мөнхбат 10 оноо 18 самбар, ТЭЦ4 багаас №9 Мөнх Оргил 15 оноо 11 самбар.

Playoff-н эхний шатны тоглолтууд үргэлжилж байна.  Зүүн бүсийн эхний 4-р гарсан багууд 1-р шатны өрсөлдөгчидөө 2:0-р хожиж цувралд ялалт байгууллаа. Харин баруун бүсийн цуврал тоглолтууд Хасу Мегаватт багаас бусад нь 1:1-р тэнцэж 3-дахь тоглолтоор бүхнийг шийдэх болно.

2010 оны 04 сарын 17-ны PLAYOFF тоглолтын дүн:

09:00 – 09:55 MCS – Чингис Хаан банк (эмэгтэй) 20:0 09:55 – 10:50ХХБанк -Хаан банк (эмэгтэй) 35:45 10:50 – 11:50 Хасу Мегаватт – Бридж старс 20:0 11:50 – 12:50 Сак гард  – MCS 93:67 12:50 – 13:50 Seokyung Wolves – ХХБанк 59:63 13:50 – 14:50 Хаан банк – Их Харанга 68:54 14:50 – 16:50 Cass SBL – ЭлектроМон Сеть 64:42 16:50 – 17:50 ОТИС – Прайм даатгал  2 НЦ 97:94 17:50 – 18:50 Монатка – Мон Аз 79:80 18:50 – 19:50 Скайтелийн Шонхорууд – ТЭЦ 4

Аваргууд аваргаа хамгаалж чадахгүй, 7.0 out of 10 based on 4 ratings