“Кливленд” – “Чикаго” – 112:102 (28:22, 24:28, 25:27, 35:25)

К: Жеймс – 40 + 8 самбар + 8 дамжуулалт. Жэймисон – 14. Уильямс – 12. Мун – 12.

Ч: Ноа – 25 + 13 самбар. Роуз – 23 + 8 дамжуулалт. Денг – 20.

Цувралын харьцаа – 2:0.

ЛеБрон нийт 40 оноо, үүнийхээ 15-ыг 4-р үед авч, Жоаким Ноаг бөмбөг авах бүрт “бүү”-лж байсан үзэгчдийнхээ өмнө Кавальерс өрсөлдөгч Буллзыг 112:102-оор хожиж, цувралын харьцааг 2:0 болгов.

Дараалан MVP болох гэж байгаа ЛеБрон Жеймс 40 онооноос гадна 8 самбараас авалт, 8 оновчтой дамжуулалт хийсэн. Тэрээр 6-11 өндөртэй Ноагийн хамгаалалтын өмнөөс 3 онооны шидэлтээ, мөн оролтоо, дараа нь 2 торгуулийн шидэлтээ, тэгээд 2 дундын шидэлтээ тус тус оновчтой болгож 11 оноо дараалан авснаар тоог 107:98 болгосон юм. ЛеБрон эдгээр дараалсан оноо тоглолтыг шийдсэн.

Ж.Ноа Кливленд хотын тухай таагүй зүйл хэлсэн учраас тоглолтын турш “бүү”-лүүлж. “…Би хэзээ ч хэн нэгэн Кливленд рүү явж амралтаа өнгөрөөнө гэх мэт үг сонсож байгаагүй. Кливлендийн талаар сайн зүйл юу байна?”

Гэхдээ Ноагийн хувьд хөгжөөн дэмжигчдийн үйлдэл, чимээ шуугиан нөлөө үзүүлээгүй, сайн тоглосон. “Миний амьдрал тэр чигээрээ л “бүү” дунд байсан. Коллежид байхад, бас Бостонд тоглоход ч байнга иймэрхүү зүйл болдог. Тэд надад дургүй. Энэ бол хэвийн. Надад найз нөхөд ч бий.” Хэмээн Ноа хэлжээ.

Ноагаас гадна Д.Роуз, Луол Денг нар 20+ оноо авч. Гэхдээ 0:2 болсон тул Буллзийн багахан боломж бүр л багаслаа.

Эхний 3 үеийн дараах байдлаар тоо тэнцүү байсан ч 4-р үед ЛеБрон, Ж.Мүүн нарын ээлж дараалсан довтолгоонуудыг Буллз зогсоож чадаагүй. Гэхдээ тэд эхний тоглолтыг бодвол хамаагүй сайн тоглосон, ЛеБроны эсрэг л хариулт байгаагүй болохоос…

Дараагийн тоглолт Буллзын талбай дээр болох бөгөөд тэд плей-оффт талбай дээрээ 107:35 гэсэн НБА-д тэргүүлэх амжилтыг эзэмшдэг баг юм.

“Денвер” – “Юта” – 111:114 (30:33, 21:30, 31:25, 29:26)

Д: Энтони – 32. Биллапс – 16 + 10 дамжуулалт. Хиларио – 16.

Ю: Уильямс – 31 + 14 дамжуулалт. Бузер – 20 + 14 самбар. Миллсэп – 18.

Цувралын харьцаа – 1:1.

Энэ цуврал сонирхолтой болох нь ээ. Гарааны 2 ч тоглогч нь эзгүй ч Жазз хүчтэй өрсөлдөгчөө талбайд нь хожиж, харьцааг 1:1 болгож дөнгөлөө. Дерон 33 оноо, 14 оновчтой дамжуулалт хийснээр плей-оффт анх удаа 30+ оноо, 10+ оновчтой дамжуулалт статистик үзүүлэв. Мөн Жаззын түүхэнд энэ амжилтыг үзүүлсэн 2 дахь тоглогч нь болжээ. Өмнө нь Жон Стоктон 1989 оны плей-оффт 2 ч удаа 30+ оноо, 10+ оновчтой дамжуулалт хийж байсан ч Жазз 2-ууланд нь хожигдсон гэнэ.

Дерон болон Корвер нар сүүлийн 11 секундэд тус бүр 2, 2 торгуулийн шидэлтээ оновчтой болгосон. Гэхдээ л Наггетст тоглолтыг тэнцүүлэх боломж байсан ч Биллапсийн 3 онооны шидэлт оновчгүй болсон. Үүнээс гадна Кармело 25 секунд дутуу байхад 6 дахь алдаагаа хийж тоглолтыг чөлөөлсөн нь ч дүнд нөлөөлсөн биз. Мело өмнөх тоглолтонд 42, энэ тоглолтонд 32 оноо авлаа. Гэхдээ өнөөдөр тийм сайн тоглосонгүй. Майлс, Мэттьюс нар харьцангуй сайн хамгааллаа, Мелог. Мело довтолгооны алдаа 4-ийг хийсэн байна. Тэрээр плей-оффийн тоглолтонд анх удаа 6 алдаа хийж тоглолтыг чөлөөлж байгаа бөгөөд нийтдээ 12 дахиа алдааны улмаас тоглолтыг дуусгалгүй гарчээ. Эдгээр 12-ийн 11-т нь Денвер хожигдсон үзүүлэлттэй.

Наггетс 3-р үед 14 оноо дутуу байсан ч 4-р үед нөхөж, бүр илүү гарсан бөгөөд 4 минут гаруй үлдээд байхад 102:98-аар тэргүүлж байлаа. Гэвч Биллапс, Мелогийн оновчгүй довтолгоо, Мелогийн бөмбөг алдалт зэргийг Жазз ашиглаж тоогоор илүү гарч дөнгөсөн төдийгүй чухал мөчид Биллапс торгуулийн шидэлтээ алдсан байна.

3 дахь тоглолт УБ-ын цагаар Бямба гаригт Ютагийн талбайд болно.