Австрийн Инсбрук хотноо кикбоксын дэлхийн цомын тэмцээнд Монголын баг тамирчид оролцохоор мордсон тухай бид мэдээлж байсан билээ.

33 орны 1500 гаруй кикбоксерууд оролцсон энэ тэмцээнд манай 6 тамирчин хүчээ үзлээ. Тэднээс Мягмарсүрэн, Шижир-Эрдэнэ нар аваргын алтан медаль хүртжээ. Түүнчлэн Төрбаяр мөнгө, Б.Наадам хүрэл медаль гардсан байна. Ийнхүү хоёр алт, нэг мөнгө, нэг хүрэл медальтайгаар тэмцээнийг өндөрлөж бахдам амжилт гаргалаа.