МҮОХ-ы ерөнхийлөгч доктор Д.Загдсүрэн өнөөдөр Сингапур улсын иргэн, “Сингапур-2010″ хүүхдийн олимпийн наадмын Монголын багийн атташе Алберт Теог хүлээн авч уулзаж МҮОХ-ы Алтан медалиар шагналаа.

Алберт Тео нь Монголчуудад их элэгтэй нэгэн бөгөөд МҮОХ-ы Сингапур дахь ажилд гар бие оролцдог, зохион байгуулдаг, тусалдаг юм. Тэрбээр МҮОХ, Сингапурын хамтын ажиллагааны хүрээнд “Шинэ үе” сургуулийн сурагчдыг Сингапур улсын “Evergreen” сургуульд айлчилж, хамтын ажиллагаа тогтооход их чухал хувь нэмэр оруулсан билээ.