Ла лигийн хүснэгтийг тэргүүлэгч Барса 9 хүнтэй Херезийг буулган авч цомыг хүртэх боломжоо хадгалж үлдлээ. Тэдний тоглолт Реалаас өмнө болсон учраас дарамт шахалт харьцангуй бага байсан байж болох юм. Аваргуудын лигийн хариуцлагатай тулааны өмнө Мессиг амрааж Жеффроныг гараанд гаргасан байлаа.Доод лиг рүү унах нь тодорхой болсон  Херез  хамгийн шилдэг бүрэлдэхүүнээ талбайд гаргасан байв. Улиралын эхэнд Херезийн талбайд болсон тоглолтонд Барса 2 : 0-ээр ялалт байгуулсан бөгөөд Анри, Ибра нар гоолдож байсан. Тэгвэл энэ удаа ч дээрхи 2 тоглогч гоол оруулсан юм.

14 дэх минутад Ла Масиагийн бүтээгдэхүүн Жеффрон гайхалтай гоолыг оруулж багтаа тэргүүллийг авчирсан байна. 2009 оноос Барсагийн бүрэлдэхүүнд багтах болсон энэ залуу улиралын 2 дахь гоолоо оруулж байна Түүний гоолоос яг 10 минутын дараа Златан Ибрагимовичийн хөндлөн дамжуулалтаар Анри гоолдож тооны харьцааг улам холдуулсан. Гэхдээ Херезийн хариу үйлдэл хурдан байлаа.

Бөмбөг тоглолтонд оролцоод ганцхан минут өнгөрөөд байхад Марио Валдесийг урагшаа гарсныг ашиглан цөм цохин гоолдлоо. Эхний хагас ийнхүү өндөрлөсний дараа Пеп эрсдэл гаргахыг хүсээгүй тул Месси, Пикег талбайд оруулж ирсэн юм. 56  дахь минутад Ибрагимович Турегийн дамжуулалтаар багийнхаа гурав дахь гоолыг оруулснаар ялагчийн хувь заяа ерөнхийдөө тодорхой болсон.

Чави, Туре төвд эзэгнэж урд Месси, Ибра нар аюултай цохилтуудаар өрсөлдөгчөө сандаргаж байв. Тоглолтын төгсгөл руу Херезийнхэн ялагдалдаа шатаж Бояан, Месси дээр бүдүүлэг алдаа гаргаж байлаа. Үүнээсээ болж тэдний Алустиса, Орельяна нар талбайгаас хөөгдсөн юм. Одоо Каталончууд ирэх лхагва гаригт аваргуудын лигийн финалд үлдэх эсэхээ шийдэх тулааныг Ноу Кампдаа хийнэ. Дараа нь тэднийг Вильяреал хүлээж байгаа.

Энэхүү тоглолтонд оролцсоноор Чави Барсагийн төлөө лигийн 349 дэх тоглолтондоо оролцож 200 дахь хожлоо авчээ. 1998 оноос Каталоны багийн төлөө тоглож байгаа тэрээр энэ улиралд 31  дэх тоглолтдоо оролцсон байх юм. Чави Барсагийн түүхэнд лигийн хамгийн олон хожилтой тоглогч бөгөөд түүний дараа 195 хожилтой Мигуель, 191 хожилтой өнөөгийн багийн ахлагч К.Пуойль нар бичигддэг.

Тоглолтын гоолууд БАРСЕЛОНА – ХЕРЕС – 3:1 (2:1).

Барселона. 80,000 үзэгч .
БАРСЕЛОНА – ХЕРЕС – 3:1 (2:1). .
Гоол : Жеффрен, 14 (1:0). Анри, 24 (2:0). Марио, 25 (2:1). Ибрагимович, 56 (3:1).
Шар хуудас : Кркич, 78 (Барселона), Айтами, 16, Виктор Санчес, 27, Касадо, 67, Орельяна, 72, Ренан, 82, Марио, 83, Морено, 88, Гиода, 90, Кальво, 90 (Херес).
Алустиса, 90, Орельяна, 90 (Херес).
Барселона: Вальдес, Пуйоль, Маркес (Пике, 53), Чигринский, Максвелл, Туре, Хави, Кейта, Жеффрен (Месси, 52), Анри (Кркич, 74), Ибрагимович. Херес: Ренан, Франсис, Прието, Гиода, Айтами (Кальво, 46), Касадо, Орельяна, Кейта (Морено, 63), Виктор Санчес, Арментерос (Алустиса, 79), Марио.
Валенсия. 50,000 үзэгч.

ВАЛЕНСИЯ – ДЕПОРТИВО – 1:0 (1:0).
Гоол : Вилья, 34  пенальти (1:0).
Шар хуудас : Сильва, 56, Алексис, 75, Бараха, 90 (Валенсия), Зе Кастру, 33, Лассад, 72, Серхио, 90 (Депортиво).
Бараха, 90 (Валенсия).
Валенсия: Сесар, Пабло, Мадуро, Алексис, Хорди Альба, Хоакин, Альбельда (Бараха, 62), Банега (Фернандеш, 74), Сильва, Висенте (Мата, 85), Вилья. Депортиво: Арансубия, Лауре, Адриан Лопес (Кальво, 46), Зе Кастру, Мануэль Пабло, Альварес (Миста, 81), Серхио, Антонио Томас, Хуан Родригес, Адриан, Рики (Лассад, 68).

Тоглолтын гоолууд ВАЛЕНСИЯ – ДЕПОРТИВО – 1:0