ЛеБрон Жеймс 2 дахь жилдээ дараалан НБА-ын улирлын хамгийн Үнэ цэнэтэй тоглогчоор тодорлоо.

Тэрээр шагналаа төрөлх Акрондоо гардаж авсан бөгөөд энэ үеэр өөрийг нь 16 настайдаа төрүүлсэн ээж Глориагаараа бахархаж байгаагаа илэрхийлж байлаа. Мөн Жеймс өөрийн найз охин Саванна болон ЛеБрон Жр, Брайс хэмээх 2 хүүдээ талархлын онцгой үг хэлж байв.

Энэ улиралд 61 хожиж НБА-г тэргүүлсэн Кавальерсийн тоглогчид ч ЛеБронтой хамт байлаа.  Тоглогчид бүгд Жеймсийг тэвэрч баяр хүргэж байсны дээр зарим нэг нь өөрсдийн камераараа уг мөчийн бичлэгийг хийж байгаа харагдсан.

“Миний нэр энэ шагналын урд бичигдэх байх. Гэхдээ эдгээр залуус үүнд их үүрэг гүйцэтгэсэн” гэж Леброн Морис Подолоффийн нэрэмжит шагналыг авах үед багийнхныхаа тухай хэлж.

Энэ жилийн MVP-ийн санал асуулганд ЛеБрон бүрэн доминант байсан. Тэрээр уг шагналыг дараалан хүртэж буй Билл Рассель, Уилт Чамберлин, Карим Абдул – Жаббар, Мозес Мэлоун, Ларри Бёрд, Мэжик Жонсон, Майкл Жордан, Тим Данкан, болон Стив Нэшийн дараах 10 дахь тоглогч болж байгаа бөгөөд Б. Рассель, У. Чамберлин, Л.Бёрд гэсэн 3 домогт тоглогч дараалан 3 хүртэж байж.

“Би эдгээр залуусыг үзэж өссөн. Харин одоо эдний эгнээнд орж байгаа нь итгэхийн аргагүй юм”

“Акрон, Охио бол миний гэр. Акрон, Охио хэзээд миний зүрх сэтгэлд байх болно. Акрон, Охио бол миний амьдрал, би энэ хотод хайртай” гэж Леброн хэлжээ. Мөн одоогоор НБА-ын аварга болох хамгийн гол, том зорилготой байгаагаа ч хэлж.

ЛеБроныг 123 сэтгүүлч, аналистийн 116 нь 1-р байранд нэрлэсэн бол залуу од Кевин Дюрантийг 4 сэтгүүлч 1-т нэрлэжээ. Харин Коби Брайант 1-рт нэрлэгдээгүй бөгөөд нийт авсан оноогоор 3-р байранд оров. 1-рт нэрлэгдвэл 10, 2-рт нэрлэгдвэл 7, 3-рт 5, 4-рт 3, 5-рт 1 оноо гэсэн зарчмаар MVP-ийг тодруулсан байна. ЛеБрон 1205 оноо авсан бол Дюрант 609-г авснаар 596 онооны зөрүү гаргажээ. 2000 онд Шак MVP болохдоо удаах байрт орсон тоглогчоосоо 799 оноо илүү авч байж.

2010 NBA “Most Valuable Player” санал асуулгын дүн