Реал Мадрид талбай дээрээ Осасунаг 3:2-оор хожиж, Барсагийн араас “хөөсөн” хэвээр үлдлээ. 88 дахь минут хүртэл Реал тоглолтыг тэргүүлээгүй байсан ч дэлхийн хамгийн үнэтэй хөлбөмбөгчнийхөө ачаар 3 оноо авч чадлаа. Реал энэ улиралд талбай дээрээ 18 тоглож, 17 дахь хожлоо авсан нь энэ.

Тоглолт эхлээд удаагүй байхад Реалын хамгаалагч Албиоль бүдүүлэг алдаа гаргаж, үүнийг нь Осасунагийн довтлогч Аранда ашигласнаар зочид 0:1-ээр тэргүүлж эхэлсэн. Удалгүй Роналду хувийн тоглолтоор тоог тэнцүүлсэн байна. 42 дахь минутанд Осасунагийн Вадоч багтаа дахин тэргүүлэл авчирсан ч 2 минутын дараа Марсело Реалийн тэнцээний гоолыг хийжээ. Ингээд эхний үе дууссан ба 2-р үе дуусахаас 2 минутын өмнө Игуаний дамжуулалтаар Роналду хожлын гоол хийсэн юм. Роналду энэ улиралд лигтээ 26 дахь тоглолтондоо 22 дахь гоолоо хийв.

Тэрээр тоглолтын дараа: “Миний бодлоор манай баг өнөөдөр маш муу тоглолоо. Урд ч, дунд ч, хойно ч ялгаагүй. Өнөөдөр оноо алдсан бол аваргын титмийг алдах байсан. Бурханы ачаар бид 3 дахь гоолоо хийж, хожлоо. Бид үргэлжлүүлэн хожих хэрэгтэй. Барселона агуу баг. Гэхдээ агуу баг ч хожигддог. Тэд оноо алдах боломжтой” гэжээ.

Реал дараагийн тойргийн тоглолтоо Лхагва гаригт Реал Мальоркагийн талбайд хийх бөгөөд тэд Аваргуудын лигийн эрх авахад ойрхон байгаа тул Реалийн эсрэг ширүүн өрсөлдөх нь гарцаагүй. Дээр нь тэдний талбай дээрээ үзүүлж байгаа амжилт энэ улиралд тун сайн байгаа. Мальорка энэ тойрогт Атлетик Бильбаог талбайд нь 3:1-ээр хожиж, 4-р байраа хадгалсан байна.

Мальоркагаас 2 оноо дутуу Севилья энэ тойрогт Атлетико Мадридийг 3:1-ээр хожжээ.

Өнгөрсөн шөнө болсон тоглолтууд:

Атлетик — Мальорка 1:3

Гоол: Льоренте, 45 – Кастро, 43; Нунеш, 49; Адуритц, 51
Атлетик: Ираисос, Койкили (Муньяин, 54), Аморебьета, Ираола, Габилондо, Гурпеги (Йесте, 67), Сан Хосе, Мартинес, Итурраспе (Сусаета, 46), Льоренте, Токеро
Мальорка: Дуду Ават, Хосеми, Айосе, Рубен, Нунеш, Валеро (Кейта, 86), Альварес, Марти, Адуритц, Кастро (Маттиони, 76), Вебо (Суарес, 72)

Реал — Осасуна 3:2

Гоол: Криштиану Роналду, 25, 89; Марсело, 44 – Аранда, 7; Вадоч, 42
Реал: Касильяс, Марсело, Рамос, Альбиоль, Арбелоа, Кака (Бензема, 70), Гранеро (Гути, 59), Хаби Алонсо, Криштиану Роналду, Гаго (М.Хуанфран, 85), Игуаин
Осасуна: Лопес, Аспиликуэта, Монреаль, Серхио, Роверсио (Фланьо, 69), Т.Хуанфран (Шоджаеи, 61), Вадоч, Некунам, Рупер, Камуньяс, Аранда (Кальеха, 75)

Севилья — Атлетико 3:1

Гоол: Луиш Фабиано, 5; Негредо, 13-пен, 39-пен – Тьягу, 7
Севилья: Палоп, Наварро (Перотти, 33), Конко, Эскюде, Фацио, Навас, Ренато, Адриано, Зокора, Негредо, Луиш Фабиано (Акоста, 42; Лоло, 73)
Атлетико: де Хеа, Кабрера, Валера, Домингес, Переа, Тьягу, Рейес (Симау, 75), Хурадо, Камачо, Сальвио, Агуэро (Бальде, 81)