Энэ улирлын шилдэг хамгаалан тоглогч, Орландо Мэжик багийн төвийн тоглогч Дуайт Ховард болон Бостон Селтиксийн хамгаалагч Ражон Рондо нар НБА-ын хамгаалалтын 1-р багт нэрлэгдэгсдийг авсан оноогоороо тэргүүллээ. Дуайт Ховард нийт 57 оноо авсан бол Рондо 50 оноо авсан байна.

Мөн Хамгаалалтын 1-р багт Кавальерсийн довтлогч ЛеБрон Жеймс, Лейкерсийн хамгаалагч Коби Брайант болон Бобкэтсийн хамгаалагч Жеральд Уоллес нар оров.

Дуайт лигийг самбар болон блокоор 2 улирал дараалан тэргүүлсэн (1973-74 оны улирлаас хойш блокийг албан ёсны статистик болгон хөтөлж ирсэн) анхны тоглогч болсон бөгөөд энэ улиралд 13.2 оноо, 2.78 блок хийжээ. Мөн тэрээр лигийг самбараас авалтаар 3 улирал дараалан тэргүүлсэн 5 дахь тоглогч болсон аж.

Ховардийн ачаар Мэжик нэг тоглолтонд алддаг 95.3 оноогоор лигт 4-т ордог бол өрсөлдөгч багаа 43.8 хувьтай довтлуулдаг үзүүлэлтээр лигийг тэргүүлдэг юм байна.

Хамгаалалтын 2-р багт Спэрсийн Тим Данкан, Хитийн Дуэйн Уэйд, Оклахомагийн Табо Сефолоша, Хоуксийн Жош Смит болон Кавальерсийн Андерсон Варежао нар нэрлэгджээ.

Данкан НБА-ын хамгаалалтын багт 13 дахь улиралдаа дараалан багтаж байна.

Хамгаалалтын багийг НБА-ын 30 багийн дасгалжуулагч нарын саналаар тодруулдаг бөгөөд дасгалжуулагч нар байрлал бүрт санал өгдөг, тэгэхдээ 1-р багт, 2-р багт аль алинд нь нэрлэдэг юм. Гэхдээ өөрийн багийн тоглогчоо бичих ёсгүй. 1-р багт нэрлэгдвэл 2 оноо, 2-р багт нэрлэгдвэл 1 оноог тус тус авдаг.