Селтиксийн менежер торгуулав

Алдарт Бостоны их гурвалыг бүрдүүлж өнөөгийн Бостон Селтиксийн амжилтын эхлэлийг тавьсан гавьятай Селтиксийн ерөнхий менежер Дэнни Эйнж Кливленд-Бостоны тоглолтын үеэр зүггүйтсэнийхээ төлөө лигээс 25 мянган ногооноор торгуулах боллоо. Цуврал тулааны үеээр Ж.Ж.Хиксон торгуулийн шидэлтээ шидэх мөчид Бостоны менежер алчуур дээш шидэж эцэргүүцэл үзүүлсэн юм. Уг тоглолтонд уг нь Бостон 23 оноогоор тэргүүлж явсан ба тоглолтын гуравдугаар үед уг хэрэг болсон байна.

Андрей Кириленко 3 дахь тоглолтонд буцаж ирнэ

Юта Жазз багийн довтлогч Орос легионер Андрей Кириленко плей оффын анхны тоглолтоо хийх төлөвлөгөөтөй байгаа гэнээ. Тэрвээр гэмтлийн улмаас улирлын сүүлийн болон ПО-ын эхний шатанд Денвертэй хийсэн цувралыг өнжсөн билээ. Одоогоор баг нь хоёрдугаар шатанд өнгөрсөн жилийн аваргууд болох Лос Анжелес Лейкерстэй 0-2 хожигдож яваа юм. Юта Жазз энэ цувралд ердөө 9 хүнтэй тоглож байгаа бөгөөд залуу төвийн тоглогч Кирило Фесенко, Коста Коуфос нар хамтдаа эхний хоёр тоглолтонд 6 оноо, 8 самбар аваад байгаа юм.

Кириленко Жаззын сүүлийн 17 тоглолтын 15 – ыг нь өнжсөн бөгөөд гурван сарын 26 наас хойш талбайд гараагүй юм.

Марк Жексон 76-г голов

Цагтаа НБА-д од холбогч байсан, одоо ИСПН теле сувагт хөтлөгч хийж байгаа Марк Жексон дасгалжуулагч болохоор сэтгэл шулуудсан бололтой. Харин улирал дуусанаас хойш Эдди Жорданг халсан 76чууд дасгалжуулагчийн эрлээ яг одоо ид хийж байна. Тэд Бобкетсийн одоогийн дасгалжуулагч Ларри Брауныг авчрах гэж үзсэн ч цаадахь нь Майкл Жорданы Бобкетсээс өөр газар дасгалжуулагч биш ерөнхий менежер л хийнэ хэмээн томорсон. Дараа нь коллежийн дасгалжуулагч Даг Коллинс, мөн саяхан Далласын хуучин дасгалжуулагч байсан Эвэри Жонсон нартай ярилцлага хийсэн. Харин Марк Жексонтой ярилцах гэсэн боловч цаадахь нь их зан гаргасан уу? ямартай ч ярилцлага хийсэнгүй.

76чуудын адил дасгалжуулагч хайж яваа баг бол Нью Орлеанс. Тэд 5 хүнтэй аль хэдийнэ ярилцчихаад байна. Тэд бол Далласын хуучин дасгалжуулагч Эвэри Жонсон, өнөөгийн Далласын туслах дасгалжуулагч Дуэйн Кэсэй, Мемфисийг нэг хэсэг дасгалжуулж байсан Майк Фратело нартай хэлэлцээ хийсэн бөгөөд өнөөдөр Марк Жексон болон Бостоны туслах Том Тибодиу нартай Бостонд уулзсан байна.

Марк Кубан : Дирк Новицки Маврексийг орхихгүй

Энэ жил ихээхэн хүчирхэг байсан Далласчууд эхний тойрогтоо эртний дайсан Сан Антониод хожигдож олон фэнүүдийнхээ урмыг хугалсан. Тэгвэл Далласын од Дирк Новицки энэ жил өөрийн гэрээгээ цуцлах давуу эрхтэй бөгөөд эхний шатанд хожигдсон түүнийг багаа орхино гэсэн яриа ихэд тархсан. Гэвч Далласын эзэн Марк Кубан саяхан Дирк Новицкитой хувийн яриа өрнүүлж улмаар сонинд багийнхаа лидер тоглогчийг багаа орхихгүй хэмээн мэдэгдсэн байна.

Харин Торонто Рэпторсын лидер Крис Бош Торонтог орхих гэнэ. Түүний нэр энэ зуны чөлөөт тоглогч нарын дунд ихээхэн том байр суурь эзэлж байгаа билээ. Крис Бош энэ 7 сарын 1нд албан ёсоор гэрээ нь дуусах юм. Харин одоо Дуэйн Уэйд, Леброн Жэймс нар яах бол?