Монголын оюутан тамирчид дэлхийн оюутны спортын зуны “Универсиад” наадамд оролцож  эхэлсний 45 жилийн ойн нэрэмжит  Монголын Улсын 2010 оны Оюутны аварга шалгаруулах сагсан бөмбөгийн тэмцээн ШУТИС-ын Спорт зааланд  энэ сарын 3-9ний өдрүүдэд үргэлжлэн явагдаж аваргуудаа тодрууллаа.

Оюутны сагсан бөмбөгийнаварга шалгаруулах тэмцээнд  их, дээд сургуулиудын эрэгтэй 15, эмэгтэй 9 багийн 240  гаруй оюутан тамирчид ширүүхэн өрсөлдөж зохион байгуулалтын өндөр түвшинд явагдаж өндөрлөлөлөө. Мөн ХҮДС болон МУИС-ийн эрэгтэй баг тамирчидын  хооронд болсон аваргын төлөөх тоглолт үзэгч хөгжөөн дэмжигчдийг ихээхэн догдлуулсан тоглолт байсан бөгөөд тоглолтын цаг дуусахад 72:72 харьцаагаар тэнцэн дахин нэмэлт цаг сунган ХҮДС онооны илүүгээр хожлыг авсан юм.

Эмэгтэй баг тамирчдаас:

1. Л.Эрдэнэпүрэв дасгалжуулагчтай МУИС
2. Ц.Цэвэрбал дасгалжуулагчтай ХҮДС
3. О.Баатарзориг дасгалжуулагчтай ШУТИС

Эрэгтэй баг тамирчидаас:

1. Ц.Цэвэрбал дасгалжуулагчтай ХҮДС
2. Л.Эрдэнэпүрэв дасгалжуулагчтай МУИС
3. О.Баатарзориг дасгалжуулагчтай ШУТИС-ийн баг тамирчид алт, мөнгө, хүрэл медалийн эзэд боллоо.

Харин байгууллагын дүнгээр МУИС, ХҮДС, ШУТИС-иуд эхний 3 байрыг эзэлсэн бөгөөд 10 сарын 3-8ны өдрүүдэд Тайваньд болох Азийн оюутны аварга шалгаруулах эрэтгэйчүүдийн сагсан бөмбөгийн 3 дугаар тэмцээний урилгыг МОСХ-ны Ерөнхий нарийн бичгийн дарга Д.Жаргалсайханаас Ц.Цэвэрбал дасгалжуулагчтай ХҮДС-ийн эрэгтэй баг тамирчид гардан авсан юм. Тэмцээнийг сагсан бөмбөгийн Спортын мастер, улсын шүүгч А.Энхбаатараар ахлуулсан шүүгчдийн бүрэлдэхүүнтэй баг шүүн ажилласан байна.