“Бостон” – “Кливленд” – 97:87 (31:22, 23:23, 20:27, 23:15)

Б: Рондо – 29 + 18 самбар + 13 дамжуулалт. Аллен – 18. Гарнетт – 18.

К: Л. Жеймс – 22 + 9 самбар + 8 дамжуулалт. Ш. О`Нил – 17. Жеймисон – 14.

Цувралын харьцаа – 2:2.

Бостоныг бид “Их 3”-аар нь төсөөлдөг. Харин хойшид Рондо+”Их 3” гэж байх нь зүйтэй аж. Рондо өнөөдөр Кавальерсийн эсрэг хийсэн тоглолтонд дэндүү сайн тоглолоо. Оноо түүх чадвар муу гэгддэг ч 29 оноо, холбон тоглогчийн үүрэг гүйцэтгэдэг хэдий ч 18 самбараас авалт, за тэгээд 13 оновчтой дамжуулалт!. Тэгээд плей-оффт, ЛеБрон Жеймсийн багийн эсрэг. Гайхалтай.

Санс Нэшээс, Жазз Дероноос, Буллз Роузаас, Хорнетс Полоос хамаардаг шиг Селтикс ч Рондогоос хамаарах шахуу болоод байгаан биш үү? Гэхдээ мэдээж “Их 3”-ын тус дэм, үүрэг роль Рондогийн сайн үзүүлэлтэнд их нөлөөтэйг үгүйсгэж болохгүй.

“Тэр бүгдийг хийлээ. Түүний үзүүлэлт итгэмээргүй” гэж ЛеБрон хэлсэн бол “Тэр өнөөдөр агуу байлаа” гэж Док Риверс хэлж.

Рондо плей-оффт 49 дэх тоглолтондоо оролцож 4 дэх трипл-даблаа хийж байгаа нь энэ.

Плей-оффийн эхний 50 тоглолтондоо
хамгийн олон трипл-дабл хийсэн тоглогчид

Тэрээр 47 минут тоглосон бөгөөд ердөө ганц минут л амарсан байна. Мөн плей-оффт 29+ оноо, 18+ самбар, 13+ оновчтой дамжуулалт хийсэн түүхэн дэх 3 дахь тоглогч болж. Өмнө нь Оскар Робертсон 1963 онд 32 оноо, 19 самбар, 13 оновчтой дамжуулалт, Уилт Чамберлин 1967 онд 29 оноо, 36 самбараас авалт, 13 оновчтой дамжуулалт хийж байжээ.

Бостон 3 дахь тоглолтондоо хожигдож, давуу байдлаа алдсан. Тиймээс энэ тоглолтонд заавал хожих шаардлагатай байв. Тоглолтын эхнээс тэд давуу тоглосон бөгөөд Рэй Аллен, Кевин Гарнетт нар тус бүр 18 оноо авчээ. Пирс, Аллен нар ЛеБроныг хамгаалж байгаад эрт олон алдаа авч, нэлээн хугацаанд нөөцийн сандалд суусан бөгөөд тэднийг орлосон Тони Аллен 15 оноо авч, үүргээ дажгүй гүйцэтгэсэн болно. Ер нь энэ цувралд Пирсийн муу тоглолтууд үргэлжилсээр. Өнөөдөр л гэхэд тэрээр ердөө 9-хөн оноо авчээ.

Бостон 4-р үеийн эхний 10 оноог авч, тоог 84:72 болгосон. Гэвч Кавальерс 10-0 ран хийж, тоог 86:84 болгожээ. Тони Аллен амжилттай довтолж, Варежао 1 торгуулиа хийж, Пирс данк хийж, Рондо оновчтой шидэж, ингээд 1:34 үлдэхэд тоо 92:85 болсон юм. Үүнээс хойш Селтикс дахин оноог барицлсангүй хожлоо.

Кавальерсийн од ЛеБрон 22 оноо авсан бөгөөд 3 дахь тоглолтын 1-р үед авсан онооноосоо ердөө ганцаар илүү оноог өнөөдрийн 4 үеийн турш авсан гэсэн үг. Мөн 7 удаа бөмбөгөө алдаж таслуулж.

“Бостон илүү өлсгөлөн, ялах эрмэлзлэлтэй байсан. Бид үүнийг 48 минутийн турш оролдсон. Илүү ялах эрмэлзлэлтэй байсан баг нь хожлоо” гэж Кавальерсийн дасгалжуулагч Майк Браун хэлж.

3 дахь тоглолтын дараа Док Риверс багийнх нь хожигдлын шалтгаан нь муу довтолсноос биш, харин муу хамгаалснаас болсон гэж байсан бөгөөд өнөөдөр Селтикс энэ алдаагаа зассан байна.

5 дахь тоглолт нөгөөдөр Кавальерсийн талбайд болно.