Доод лиг рүү унасан Портсмутын менежер Аврам Грант Вест Хэмийг удирдахаар болжээ. Пүрэв гаригт болсон Вест Хэмийн удирдах зөвлөлийн хурлын дараа Израйль эрийг тэд шинэ дасгалжуулагчаараа томилсон бөгөөд жилийн 3 сая фунтын гэрээ байгуулж байгаа аж.

Премьер лигт 17-р байр эзэлж арай чүү дээд лигтээ үлдэж чадсан Вест Хэмийн хувьд 2 долоо хоногийн өмнө Жианфранко Золаг ажлаас нь халаад байсан. Харин түүний орлогчоор Марк Хьюз, Стив Макларен, Славен Билич гэсэн нэр дэвшигчид ирж магадгүй гэсэн яриа байсан ч Грантыг Алхнууд илүүд үзсэн байна.
Энэ нь нэг талаараа Портсмутын тоглогчдоор бүрэлдэхүүнээ хүчирхэгжүүлэх арга ч байж мэдэх юм. Вест Хэмийн эзэд болон Салливан, Голд нар зуны наймаанд нилээд хэмжээний хөрөнгө гаргах болсноо зарласан. Тиймээс Лондоны багийн уналт энэ улиралаар дуусаж байгаа гэж найдаж болох байх. Клуб албан ёсоор Грантыг ирэх долоо хоногийн эхээр танилцуулна.