Английн шигшээ баг ДАШТ-ий өмнөх ээлжит сорилгоо Японы эсрэг хийж 2 : 1-ээр яллаа. Гэхдээ Японы 2 хамгаалагчын авто-гоол тэдэнд энэ ялалтыг бэлэглэсэн аж. Фабио Капелло өмнөх Мексикийг ялсан бүрэлдэхүүндээ бага зээг өөрчлөлт хийж Дэвид Жэймсийг хаалган дээр тоглуулжээ.

Мөн Жон Терри төвийн  хамгаалалтад эргэн ирж, Эшли Коул зүүндээ гарсан байлаа. Харин хагас хамгаалалтад Хадлстоун, Лампард, Леннон, Валкотт нар тоглож урд Бент, Рүүнитэй хоршсон байв. Жэймс шигшээ багтаа сүүлийн жил гаран гараанд багтаагүй байсан бол Хадлстоун сүүлчийн 23-т багтахын төлөө анхны удаа гараанд гарчээ. 7 дахь минутад булангийн цохилтоос ирсэн бөмбөгийг Бразил гаралтай Япон хамгаалагч Тулио шууд хаалга руу цохиж багтаа тэргүүллийг авчирлаа. Эхний гоолыг ийм эрт алдсандаа Англичууд нилээд сандарч хариуг нь барихаа улайрч эхэлсэн.

Гэхдээ 2-р үе хүртэл тэд гоол оруулж чадсангүй. Багийнхаа тоглолтонд сэтгэл дундуу байсан Капелло шууд 5 сэлгээ хийж Харт, Каррагер, Филипс, Жеррард, Жо Коул нарыг талбайд гагалаа. Ийнхүү тактик 4-4-1-1 болон өөрчлөгдсөн тул Коул Рүүнигийн ард довтолгооны хагасаар тоглох болсон байна. 55 дахь минутад ЦСКА-д зүтгэж байгаа Хонда бөмбөгөнд гар хүрч торгуулийн цохилтыг Англичууд авлаа.

Гэтэл энэ улиралд гоолын хур ихтэй байгаа Лампард Кавашимад бөмбөгөө хаалгаж алтан боломжоо үгүй хийлээ. Лампардыг шигшээ багтаа пеналти оруулж чаддаггүй гэсэн шүүмжлэл салахгүй бололтой. Гэхдээ эцсийн эцэст Англичууд тооны харьцааг тэнцүүлж дөнгөлөө.

Зүүн жигүүээс Жо Коулын өгсөн дамжуулалтыг эхний гоолын эзэн Тулио өөрийнхөө хаалганд оруулж багаа хөөдөх нь тэр. 77 дахь минутад Фабио эцсийн сэлгээгэ хийж Ленноныг Хэскэйгээр сэлгэлээ. Ингээд цаг дуусахаас 6 минутын өмнө Эшли Коулын дамжуулалтыг Наказава өөрийнхөө хаалганд оруулснаар Гурван Арслангууд өрсөлдөгчдийнхөө ачаар ялалт байгууллаа. Хэдийгээр ялсан ч тэднийг тоглолтын дараа нилээд шүүмжлэл дагалдаж байна.

Английн шигшээ баг анх удаагаа нэг тоглолтонд 2 авто-гоолоор ялж байна. тоглолтын дараа Уэйн Рүүниг шилдгээр нэрлэжээ. Рүүни энэ тоглолтонд хамгийн идэвхтэй, хөдөлмөрч тоглолтыг үзүүлсэн гэж английн мэргэжилтнүүд дүгнэсэн аж.

Япон – Англи 1 : 2
Гоол : 7′ Тулио Танака, 72′ Тулио Танака (а.г), 84′ Наказава (а.г)

Энэ хооронд Францчуудын азгүйтэл үргэлжилсээр л байна. Тэд Тунисийн шигшээ багтай тоглож 1 : 1-ээ тэнцжээ. Коста Рикатай хийсэн тоглолтын бүрэлдэхүүнээ Домене тэр чигээр нь гаргасан бөгөөд гагцхүү Мандандагийн оронд Льорис хаалганд зогссон байв. 6 дахь минутад Тунисийн Иссам Жемаа багийнхаа эхний довтолгоогоор л бараг гоол оруулчихав. Тоглолтыг бүтэлгүй эхлүүлсэн Фанцчууд тэнцүүлэх нь байтугай нэмж гоол алдахад ойрхон байлаа. 61 дэх минутад Гуркуфын дамжуулалтыг Галлас гоолдох хүтэл тэд маш олон боломж хийсгэсэн. Гэхдээ яма ч байсан Тунист ялагдаж нэр төрөө унагаасагүй. Цаг дуусах мөчид Тунисийн алдарт тоглогч Яссин Чихаоу сэлгээгээр орж ирлээ. Энэ тоглогч 2008  оноос хойш бэртэлд ороогдож шигшээдээ тоглоогүй байсан юм. Раймон Домеме Францын ДАШТ-д амжилттай оролцуулах эсэхэд итгэх хүн багассаар.

Тунис – Франц 1 : 1
Гоол : 6′ Жемаа, 62′ Галлас