Долоо хоногийн өмнө Кэйп Верде хэмээх арлын жижигхэн улстай тэнцэж шүүмжлэлд өртсөн Португалчууд Камеруны шигшээтэй нөхөрсөг тоглолт хийлээ. 32 дахь минутад Симао Саброзагийн дамжуулалтыг Раул Меирелеш чулуу болгож багтаа тэргүүллийг авчирсан. Энэ гоолоос ердөө ганц минутын дараа Камеруны супе од Самуель Это’о Дуда дээр бүдүүлэг алдаа гаргаж талбайгаас хөөгдсөн байна. 2-р хагасын завсарлагаанаар Португал сэлгээ хийж Симаог Нанигаар, Льедсонг Даннигаар, Феррэйаг Мигелээр тус тус сэлгэсэн. Хүн дутуу өрсөлдөгчөө тэд илүүрхсээр 47 дахь минутад Меирелеш дахин гоолдов. Энэ удаа Нанигийн дамжуулалтаар мань эр өрсөлдөгчийнхөө алсын буланд гоол оруулжээ. 69 дэх минутад Пьер Вебо тооны харьцааг ойртуулсан ч Нани, Роналдугийн хослол цаг дусахаас өмнө дахин нэг гоол оруулж чадсан байна. Португалчууд ялалтын замдаа эргэн орлоо.

Өнгөрсөн шөнө мөн Неделандчууд Гана улсын багийг 4 : 1-ээр бутниргэжээ Дирк Кюит энэ тулааны гол дүрд тоглосон байна. 30 дахь минутад Ливерпулийн довтлогч тооны хаьцааг нээж улмаар дараа дараагийн гоолуудын эхлэлийг тавьсан юм. 2р үеийн завсарлагааны дараа Ганы дасгалжуулагч сонирхолтой шийдвэр гаргаж 7 сэлгээг нэг дор хийсэн байна. Гэсэн ч баг нь амжилтанд хүрч чадсангүй.
72 дахь минутад Ван дер Ваарт, 80 дахь минутад Шнайдер нар дараалан гоолдсон. Цаг дуусахаас 3 минутын өмнө торгуулийн цохилтыг Голландчууд авч Ван Перси амжилттай гүйцэтгэжээ. Ийнхүү тэд ДАШТ-ий өмнөх бэлтгэлээ сайн хийсээр байна.

Австраличуууд ДАШТ-ий өмнөх анхны нөхөрсөг тоглолтоо Данийн багтай хийж 1 : 0-ээр ялжээ. Ногоон тивийн гол найдвар болоод байгаа Жош Кеннеди ганц гоолыг нь оруулсан байна.