Дэлхийн 5 удаагийн аварга Бразилийн шигшээ Зимбабвегийн шигшээтэй нөхөрсөг тоглолт хийж, 3:0-ээр хожлоо.

Дэлхийг чансаагаар тэргүүлэгч шигшээ баг эхний 100-д ч багтаагүй багийг буулгаж авахад хэцүү байгаагүй. Зүүн хамгаалагч Бастос эхний гоолыг хаалттай цохилтоор 41 дэх минутанд хийсэн бол Робиньо үүнээс 3 минутын дараа 2 дахь гоолыг хийжээ. 2-р үе эхлээд 11 минут өнгөрч байхад Элано 3 дахь гоолыг хийсэн байна.

Бразил хэдий хожсон ч үндсэн хаалгач Х.Сезарь нь гэмтэл авч тоглолтыг орхисон нь тэднийг түгшээж байгаа нь тодорхой.

Ирэх даваа гаригт Бразил Танзанитай дахин нэг нөхөрсөг тоглолт хийх гэнэ. Тэгээд ДАШТ-ын эхний тоглолтоо 6 сарын 15-нд Йоханнесбургт БНАСАУ-ын эсрэг хийнэ.

Зимбабве — Бразил 0:3

Гоол: Мишел Бастос, 41; Робиньо, 44; Элано, 56
Зимбабве: Сибанда, Рамбанапаси (Алименда, 67), Мусона, Мванжале, Мапемба, Ненгомаша, Каруру (Ниони, 54), Маконесе (Свесве, 86), Джамбо, Антипас (Мушекви, 69), Мварувари (Нкхата, 54)
Бразил: Сезар (Гомес, 26), Жуан, Лусио (Луизао, 46), Мишел Бастос, Майкон (Алвес, 46), Жилберто Силва, Мело, Кака (Баптиста, 46), Элано, Робиньо (Нилмар, 65), Луис Фабиано (Графите, 60)