Рафаель Надаль 5 дахь Ролан Гарросийн түрүүгээ авахад нэлээн ойртож байна. Тэрээр шөвгийн 8-д нутаг нэгт Николас Алмагрог 2 цаг 35 минутанд 7:6 7:6 6:4 харьцаагаар хожиж, хагас шигшээд үлдлээ. Надаль ийн нэг ч сет алдаагүй хэвээр үлдэж байна.

Маргааш 24 хүрэх Надаль өмнө нь Алмагротой 6 тоглохдоо бүгдэд нь хожиж байсны дотор 2008 оны Ролан Гарросийн шөвгийн 8-д 6-1 6-1 6-1 харьцаагаар илт давуу хожсон хожил нь багтана. Энэ тоглолт Ролан Гарросийн түүхэн дэх шөвгийн 8-ийн хамгийн давуу харьцаагаар дууссан тоглолт болж байв.

Харин энэ жил Алмагро дажгүй тоглолоо. Хэдий сет авч чадаагүй ч 2 ч удаа тай-брейк гаргасан байна.

Надалийн хагас шигшээгийн өрсөлдөгч нь Ю.Мелзер болов. Тэрээр Новаз Жоковичид 2 сет алдаад байсан ч дараалан 3 сет авч хожжээ. Тоглолт 4 цаг 15 минут үргэлжилсэн байна. 29 настай Мелзер анх удаа Их дуулгын шөвгийн 8-д үлдээд байсан бол ийн анх удаа хагас шигшээд үлдэв.

Федерер, тэгээд Жокович хожигдсоноор Надалийн аваргалах зам улам л айтайхан болж байх шиг.

Эмэгтэйчүүдийн хувьд Австралийн Саманта Стосурийн драм үргэлжилсээр. Парист босоо байсан Жюстин Хенинийг хожсон тэрээр шөвгийн 8-д дэлхийн нэг номер Серена Уилльямсийг 6-2 6-7 8-6 харьцаагаар хожлоо.

Стосур өнгөрсөн жилийн Роланд Гаррост мөн хагас шигшээд хүрээд Светлана Кузнецовад хожигдож байсан гэнэ. Стосурийн хагас шигшээгийн өрсөлдөгч нь Елена Янкович.

Янкович шөвгийн 8-д Я.Шведоваг хожсон.