Польштой хийсэн нөхөрсөг тоглолтонд Испаничууд өрсөлдөгчөө 6 гоолоор бутниргэсэн ч Андрес Иниестагаа гэмтлийн эмнэлэг рүү үдсэн билээ. Эмнэлэгийн шинжилгээгээр Иниестагийн бэртэл тийм ч хүнд биш бөгөөд өнөөдөр дахин шинжилгээнд орох ажээ.

Иниеста өнгөрсөн улиралын төгсгөлд бэртэл авч Барсад тус болж чадаагүй бөгөөд ДАШТ– өмнө бэртлээсээ эргэн ирж нөхөрсөг тоглолтуудад оролцсон.

Саудын араб, Өмнөд Солонгосын эсрэг гараанд гарахдаа Иниеста ямар нэгэн зовиур мэдрээгүй гэжээ. Гэхдээ дель Боске гол тоглогчдоо бэртэж гэмтэхээс тун их санаа зовж байгаа учраас тэдэнд нэг их ачаалал өгөхгүй байхыг зорьж байгаа аж.

Испаничуудын санааг зовоож байсан Торресийн бэртэл бүрэн эдгэрсэн байгаа. Одоо Улаанууд Иниестаг л хүлээж байна. Ямар ч байсан 16-д хийх хэсгийн эхний тоглолтын өмнө эргэн ирэх бололтой.