Недерландын дасгалжуулагч Берт ван Марвик Роббенийг хэсгийн эхний тоглолтонд оролцохгүй гэж мэдэгдлээ.

ДАШТ эхлэхийн өмнө Унгартай хийсэн нөхөрсөг тоглолтонд бэртэл авсан ”Шилэн хөлт”’-ийг тэмцээнийг бүр өнжиж магадгүй гэж байсан ч алтан гарт эмч нарын ачаар хэсгийн тоглолтоос өмнө эргэн ирэхээр болсон билээ. Гэвч ван Марвик 3 долоо хоногоос дээш хугацаанд  бэлтгэл хийсэн тоглогчийг л талбайд гаргана гэж зөрүүдэлсээр байна.

Магадгүй бэртлээсээ дөнгөж ирсэн тоглогчийг гаргаж эрсдэл хийхээс эмээж байгаа байх.  Недерландчууд хэсгийн эхний тоглолтоо маргааш буюу дараа гаригт Данийн багтай хийнэ.