Францын гол хамгаалагч Уйльям Галлас өнөөдрийн бэлтгэл дээр бэртэл авч ДАШТ-ийг цааш үргэлжлүүлэх эсэх нь эргэлзээтэй болоод байна.

Францын орлогч ахлагч Уругвайтай хийсэн хэсгийн эхний тоглолтонд бүтэн 90 минут тоглосон юм. Гэвч ийнхүү бэртэл авснаар пүрэв гаригт хийх хэсгийн 2 дахь тоглолтыг өнжих аюулд ороод байна.

Мексиктэй хийх хэсгийн 2 дахь тоглолтонд төвийн хамгаалалтад Ревельери, Планусын аль нэг нь гарч магадгүй байгаа юм. Өдгөө 32 настай Галлас тэмцээн эхлэхийн өмнө Тунистэй хийсэн нөхөрсөг тоглолтонд тэнцээний бөмбөг хийж байсан билээ.