ДАШТ-ийн 4 дэх өдөртэй холбоотой зарим тоо, статистикаас хүргэе.

78

Италийн шигшээ баг Парагвайн эсрэг тоглосноор ДАШТ-ын 78 дахь тоглолтоо хийжээ. Эдгээрийнхээ ердөө 9-д нь л тэд эхний хагасыг хожигдож дуусгасан гэнэ.

23

2002 оны ДАШТ-д Нельсон Куэвас Словений эсрэг тоглолтын 84 дэх минутанд гоол хийж, улмаар баг нь 3:1-ээр хожсон. Тухайн үед Куэвас 23 дугаартай тоглож байсан бөгөөд ийм дугаартай гоол хийсэн ДАШТ-ын түүхэн дэх анхны тоглогч болжээ.

2002 оны ДАШТ-ын өмнө багуудын бүрэлдэхүүнийг 23 болгосон аж.  Ганц удаа буюу 1962 онд Уругвайн хагас хамгаалагч Гуиллермо Ескалада 23 дугаартай тоглосон гэнэ. Учир нь тус баг 13 дугаарыг хэн нэг тоглогчдоо зүүлгэхээс татгалзсан байна.

2006 онд бол 23 дугаартай тоглогч 4 удаа гоол хийжээ. Түүний дотор дахиад мөнөөх Куэвас, мөн шигшээ тоглолтонд Марко Матерацци нарын хийсэн гоолууд багтана.

20

ДАШТ-ын урьдчилсан шат, мөн нөхөрсөг тоглолтууд, тэгээд өчигдрийн хэсгийн эхний тоглолт гээд Голландийн шигшээ баг 20 тоглолтын турш хожигдоогүй явна. Эдгээр 20-ынхоо 15-д нь хожиж, 5-д нь тэнцсэн үзүүлэлттэй. Хамгийн сүүлд “Улбар шарууд” 2008 оны 9 сард Австралийн багт хожигдож байжээ.

Мөн Голландчууд ДАШТ-ын эхний тоглолтондоо 7 дараалан хожигдсонгүй. Эдгээр 7-ынхоо 5-д нь хожиж, 2-т нь тэнцсэн байна.

16

Италийн ахлагч Фабио Каннаваро ДАШТ-д 16 дахь тоглолтоо хийжээ. Францын ахлагч Тьерри Анри мөн ДАШТ-д 16 тоглоод байгаа. Каннаваро болон Анригийн хувьд Өмнөд Африк-2010 4 дэх ДАШТ нь юм. Италиас өмнө нь Паоло Малдини, Луижи Ривера, Ж.Бергоми нар 4 ДАШТ-д оролцож байж. Каннаваро 4 ДАШТ-д оролцсон Италийн 4 дэх тоглож болсон нь энэ.

12

2006 оны шигшээ тоглолтонд талбайд гарсан 12 тоглогч одоогоор Өмнөд Африкт тоглоод байна. Тухайлбал Францаас – Эрик Абидаль, Уилльям Галлас, Флорен Малуда, Тьерри Анри, Франк Рибери, Италиас – Жианлуижи Буффон, Фабио Каннаваро, Даниель Де Росси, Винченцо Яквинта, Алберто Жилардино, Жианлука Замбротта болон Мауро Каморанези нар.

8

Япон яг 8 жилийн дараа ДАШТ-д хожил авчээ. Тэд 2002 оны 6 сарын 14-нд Тунисийг хожиж байсан бол 2010 оны 6 сарын 14-нд Камеруныг хожив. Сүүлийн хожил нь Японы багийн харь оронд болсон ДАШТ-д авсан анхны хожил нь болсон юм.

1

Одоогоор ДАШТ-д 1 авто гоол ороод байгаа нь Данийн хамгаалагч Даниел Аггерийн нэр дээр бүртгэлтэй буй.

0

Одоогоор 7 баг хаалгандаа гоол алдалгүй хожоод байна.