Волейболын спортын ОУХМ Жаргалын Хаянхярваагийн нэрэмжит 14 дэх удаагийн мини-волейболын улсын аварга шалгаруулах тэмцээн өчигдөр хүүхдийн “Янзага” зусланд эхэллээ.

Өнөөдөр тус тэмцээний нээлт 14 цагт спортын төв ордэы А зааланд болсон юм. Жил бүр уламжлал болон зохион байгуулагддаг тус тэмцээн эрэгтэй, эмэгтэй тус бүр хоёр ангилалд өсвөрийн волейболчид өрсөлдөхийн зэрэгцээ бага насны ангилалд 8-12, ахлах насанд 13-14 насны бяцхан тамирчид авьяас чадвараа сорин өрсөлдөж байна.

Энэ жил тус тэмцээнд нийт 82 багийн 420 гаруй тамирчид оролцож байгаа бөгөөд тэмцээний аваргууд энэ сарын 17-нд тодорно.