МАМСХ-ноос өнгөрөгч ням гарагт мотоспортын Хотын аварга шалгаруулах тэмцээнийг амжилттай зохион байгуулсан билээ. Уламжлал ёсоор тус холбооноос жил бүр зохион байгуулдаг “Авторалли” уралдаан тун удахгүй болох гэж байна.

Тус уралдаанд мотоцикл, УАЗ, Жийп маркийн автомашинуудаар 30 орчим тамирчин 1000 км-ийн зайд хурд хүч, авхаалж самбаагаа сорин техникийнхээ хүч чадлыг шалган өрсөлдөхнээ. Улмаар Дундговь, Өвөрхангай, Улаанбаатар гэсэн чиглэлд уралдах авто раллигийн замын нарийвчилсан зургийг уралдааны өмнөхөн задлах юм байна.

Энэхүү тэмцээн Монголын тамирчид цаашид олон улсын тэмцээнд орох ач холбогдолтой бэлтгэл болж өгөхийг тус холбооны удирдлагууд хэлж байлаа.

Тэмцээний эхний гурван байрт шалгарсан тамирчдыг алт, мөнгө, хүрэл медаль болон цомоор шагнахаас гадна УАЗ маркийн машины төрөлд тэргүүн байр эзэлсэн тамирчин нэг сая таван зуун мянган төгрөг, мотоциклын төрөлд тэргүүлсэн тамирчин 500 мянган төгрөгөөр шагнуулах гэнэ. Харин жийп машины төрөлд оролцогчдын тоо эцсийн байдлаар гараагүй учир шагналын хэмжээ одоогоор тодорхойгүй байна.