Пүрэв гаригт явагдах Аргентин, Өмнөд Солонгосын тоглолтонд Хуан Себастьян Верон оролцох боломжгүй болсон байна. Нигеритэй хийсэн хэсгийн эхний тоглолтонд Верон 74 минутыг талбайд өнгөрүүлсэн бөгөөд Макси Родригесоор сэлгэгдэж талбайг орхисон.

Шигшээ багийн дасгалжуулагч Диего Марадона ”Вероныг орхих хэцүү л байна.Тэр уг нь тоглохыг маш их хүсэж байгаа. Ер нь хэн ДАШТ-ий тоглолтыг өнжихийг хүсэх билээ дээ. Гэвч бид эрсдэл хийхийг хүсэхгүй байна. Хэрвээ бэртлээ улам сэдрээгээд бүр тоглож чадахгүй болчихвол үнэхээр харамсалтай зүйл болно” гэжээ.

Цааш үргэлжлүүлэн ”Веронгүй мэдээж манай тоглолт өмнөх шигээ сайн байж чадахгүй. Гэхдээ Макси Родригез Вероныг орлож сайн тоглоно гэж найдаж байна. Магадгүй Гректэй хийх тоглолтонд эргээд орчих байх’‘ хэмээн ярьсан байна. Марадона Макси Родригезийг жигүүрт тоглуулж Бурдиссог хамгаалалтад туслуулах бололтой. Мөн Жонас Гутьерризээр довтолгоогоо нэмж магадгүй байна.