Сербийн хагас хамгаалагч Зоран Тошич Оросын ЦСКА багтай 5 жилийн урт хугацааны гэрээ байгуулжээ. Тошич өнгөрсөн жил нутгийнхаа Партизан багаас МанЮ-д ирсэн бөгөөд нэг жилийн хугацаанд улаан чөтгөрүүдийн төлөө 5 тоглолтонд оролцжээ. Өнгөрсөн өвөл түүнийг Германы Кьолн клубт МанЮ зээлсэн бөгөөд улирал дуустал Бундеслигт тоглож байгаад ДАШТ-д оролцох Сербийн багт багтаж чадсан юм. 23 настай Серби эрийг худалдан авахын тулд ЦСКА 8 сая евро төлсөн мэдээ байна.
Ганатай хийсэн хэсгийн эхний тоглолтонд Тошич талбайд гараагүй. Сербичүүд 18-нд хэсгийн лидер Германтай маш чухал тоглолт хийх билээ.