Хэсгийн эхний тоглолтоо Англичууд Америктэй хийж Гриний байж боломгүй алдаанаас болж тэнцсэн. Гэхдээ та доорхи статистик үзүүлэлтүүдийг харах юм бол байдал үүнээс ч муу байж болох байсныг ойлгоно. Фабио Капелло ч багийнхаа тоглолтонд сэтгэл хангалуун байна гэдгээ хэлсэн нь Гриний өнгөрсөн улиралд үзүүлсэн премьер лигийн амжилтыг мэдэж байсан болохоор тэр биз.

4 – Роберт Гриний 100 хувийн алдаанаас болж Вест Хэмийн алдсан гоолын тоо. Түүнээс өөр премьер лигийн хаалгач ийм олон байж боломгүй алдаа хийгээгүй.

66 – Өнгөрсөн улиралд Грин лигийн 38 тоглолтонд нийт алдсан гоолын тоо. Дунджаар нэг тоглолтонд  1.7 гоол алддаг гэсэн үг.

28   – Англичууд  Фабио Капеллогийн удирдлаган дор хийсэн 25 тоглолтынхоо 7-г  нь гоол алдалгүй дуусгаж байжээ. Өөрөө хэлбэл 28 хувьтай гэсэн үг. Харин Стив Макларений удирдлаган дор энэ үзүүлэлт хавьгүй дээр буюу 61  хувьтай байсан байх юм.

8 – Грин өнгөрч байгаа улиралд ийм тооны клин шит хийжээ. Түүний энэ амжилтын ”aчаар” баг нь 15-р байранд орж эгээтэй л доод лиг рүү уначихаагүй.

4 – Англичууд сүүлийн 19  тоглолтдоо 4 удаа л хаалгандаа гоол алдалгүй тоглолтыг дуусгаж байсан. Эдгээр нь Андорра, Беларус, Казакстан, Словак гэсэн чансаа доогуур багууд байлаа.

5 -Капелло сүүлийн жил гарангийн хугацаанд 5 хаалгачыг шигшээ багт дуудаж шалгаад амжсан. Робинсон, Грин, Жэймс, Фостер, Харт нараас тэр одоо болтол хамгийн найдвартайг нь олж чадаагүй л байна.

Гэхдээ бас гэгээлэг зүйлс ч бас байна аа.

2 – Англичууд Капеллогийн удирдлаган дор орсноосоо хойш  хоёроос дээш гоол алдаж байгаагүй. Чех, Недерланд, Испанитай хийсэн 3 тоглолтонд л тус бүр 2 гоол алдаж байсан.

18  – удаа Англичууд гоол оруулах боломжтой довтолгоо өрнүүлсэн. Харин өрсөлдөгч нь 13 удаа.

8 – Дээрхи довтолгоонуудаас 8 нь хаалга руу чиглэсэн бөгөөд Америкчууд 4 удаа Гриний хаалга руу бөмбөгийг чилүүлжээ.

54   – хувьтай Англичууд бөмбөгийг эзэмшсэн. Гэхдээ бөмбөг илүү эзэмшсэн баг ялагдсан тохиолдол ихэнхидээ хэрэгждэг.

8 – удаа Англичууд булангийн цохилт хийсэн. Харин өрсөлдөгч нь 2 дахин бага.