МВХ-ноос энэ жилд томоохон зохион байгуулалт эрс шинэчлэл хийн ажиллахаар бодитой шийдвэр гаргажээ. Энэ хүрээнд тус холбооноос волейболын спортын ОУХМ Жаргалын Хаянхярваагийн нэрэмжит 14 дэх удаагийн мини-волейболын улсын аварга шалгаруулах тэмцээнийг хүүхдийн “Янзага” зусланд зохион байгуулж байгаа бол мөн Монголын волейболын холбооны Бага хурал Гадаад хэргийн яаман дээр өчигдөр болсон байна.

Мөн волейболын “Клубүүдийн цом”-ын аварга шалгаруулах тэмцээн спортын төв ордны А зааланд өнгөрөгч даваа гарагаас эхлэн үргэлжлэн явагдаж байна. тэмцээнд эрэгтэй 6, эмэгтэй 6 нийт 12 багийн тамирчид хурд хүчээ сорин өрсөлдөж байгаа юм. Тэмцээнд өнгөрсөн онд Оюутны Зүүн Азийн аварга шалгаруулах тэмцээнээс хүрэл медаль хүртсэн хашир туршлагтай Энагура буюу Аминбүрд баг болон Харх, Хасу мегаватт зэрэг хүчтэй өрсөлдөгч багууд өрсөлдөж байна. Тэмцээний аваргууд маргааш тодорно.