Францын шигшээ баг 2002 оны амжилтаа давтахад ойрхон байна. Япон Солонгост зохиогдсон дэлхийн аваргас Гурван өнгөтнүүд ганц ч ялалт авч чадалгүй хэсгээсээ мултарч байсан түүх бий. Тэгвэл өнгөрсөн шөнө тэд Мексикийн багт 2 : 0-ээр ялагдаж хэсгээсээ гарах найдвараа бараг үгүй хийчихлээ. Одоо Раймон Доменекийн хэлснээр ”Магадгүй гайхамшиг л” тэдэнийг дараагийн шатанд шалгаруулах байх.
Тоглолтын гоолын салхийг ирэх улиралаас МанЮ-г тоглохоор болоод байгаа  Эрнандес оруулсан. Францчуудын  хиймэл отон үүсгэх гэсэн бүтэлгүй оролдлогыг  Эрнандес чадмаг ашиглан ганцаараа сугарч 64 дэх минутад тооны харьцааг 1 : 0 болгожээ.  Эрнандес хоёрдугаар үеийн 55 дахь минутад сэлгээгээр орж ирээд дөнгөж 10 минут л өнгөрөөд байсан юм.

Тоглолтын эхний үед хоёр багийнхан аль аль нь гоол оруулах аюултай довтолгоо зохион байгуулж байсан ч үр дүнд хүрч чадаагүй. Гэвч Раймон Доменек довтолгоондоо хүч нэмж Тьерри Анриг оруулж ирсэнгүй.

Тулузын Андре-Пьер Жиньякийг 2-р үеийн эхэнд Анелькагийн оронд оруулж ирсэн ч том тэмцээний туршлагагүй залуу тоглогч юу ч хийж чадсангүй. Мексикчүүд 31 дэх минутад гол тоглогч Карлос Велагаас бэртлээс болж алдсан ч жигүүрийн хүчтэй довтолгоонууд нь буураагүй. Улмаар 64  дэх минутад дээр өгүүлсэн Фернандесийн гоолыг оруулсан билээ.

Энэ гоолын дараа Эрик Абидал Мексикийн Баррераг алдаа гарган унагааснаар торгуулийн цохилтыг эсрэг багтаа бэлэглэлээ. Сэлгээгээр орж ирсэн Куатемок Бланко ч энэ сайхан боломжыг алдалгүй тооны харьцааг 2 : 0 болгожээ.

Мексикчүүдийн энэ ялалтад зүүн жигүүрийн хамгаалагч Карлос Сальсидогийн гавьяа их байсан. Тийм ч учраас түүний тоглолтын шилдгээр нэрлэх хүмүүс олон байна. Гурван өнгөтнүүдийн довтолгоог няцааж, итгэлтэй тоглож байсан гээд Карлос энэ өдөр тун сайн биелүүллээ. Францчуудын хувьд ялагдсан гол шалтгаан нь ямар нэгэн тоглогчоос бус багийн сэтгэлзүйтэй холбоотой болов уу. Ялан дийлэх, тэмцэх чанар энэ багт үнэхээр харагдсангүй.

Дасгалжуулагч нь ч гэсэн ялахыг төдийлэн хүсэхгүй байгаа мэт харагдаж байлаа. Сиднэй Говуг жигүүрт тавьсан нь тун буруу шийдвэр болсны дээр Тьерри Анриг гаргаагүй нь сонирхол татаж байна.
Нэгэн баримгт дурьдахад Зиданыг зодог тайлснаас хойш Францчууд  Олон улсын тэмцээнд (Евро 2008, ДАШТ 2010) хийсэн 6 тоглолтдоо ялалт байгуулж чадсангүй. Мөн 1986 онд Бразилд болсон ДАШТ-аас хойш Европоос өөр тивд зохиогдсон ДАШТ-д ганц ч гоол оруулж амжаагүй байх юм.

үргэлжлэл удахгүй …

Полокване. Стадион “Питер Мокаба”. 35,370 үзэгч Шүүгч - Халил Аль-Гамди (Саудын Араб).
ФРАНЦ – МЕКСИК - 0:2 (0:0)
Эрнандес, 64 (0:1). Бланко, 79-с пенальти (0:2).
Франц	Мексик
Уго Льорис	Оскар Перес
Бакари Санья	Рикардо Осорио
Вильям Галлас	Эктор Морено
Эрик Абидаль	Франсиско Родригес
Патрис Эвра	Карлос Сальсидо
Жереми Тулалан	Эфран Хуарес (55)
Абу Диаби	Рафаэль Маркес
Сидни Гову (69)	Херрардо Торрадо
Франк Рибери	Джовани Дос Сантос
Флоран Малуда	Карлос Вела (31)
Николя Анелька (46)	Гильермо Франко (62)
Сэлгээ
Андре-Пьер Жиньяк, 46	Пабло Баррера, 31
Матье Вальбуэна, 69	Хавьер Эрнандес, 55
	Куатемок Бланко, 62
Шар хуудас
Жереми Тулалан, 45+1	Гильермо Франко, 4
Эрик Абидаль, 78	Эфран Хуарес, 48
	Эктор Морено, 49
	Франсиско Родригес, 82

***