Манчестер ситигийн довтлогч Мартин Петров Болтонд очлоо. Роберто Манчини түүний гэрээг сунгахыг хүсээгүй учраас Петров үнэгүй Болтоны эгнээнд шилжиж байгаа юм. Өдгөө 31 настай Болгар довтлогч 2007 онд Ситид 4,7 сая фунтээр ирж байсан бөгөөд тухайн үеийн Ман ситигийн менежер Свеен Горан Эрикссоны гол найдвар болж байлаа. Гэвч клуб Араб эздэд худалдагдсаны дараа Петров илүүдэл тоглогчийн байдалтай болж шинээр ирсэн супер довтлогчдын сүүдэрт дарагдах болсон. Петровтой хамт энэ зун Силвиньо, Карл Мур, Мварувари гэсэн тоглогчид Ситиг орхиж байгаа. Одоогоор тэд ямар багт очиж байгаа нь тодорхой бус байна.
Ийнхүү сэлгээний тоглогчдсон үдсэн Манчестер сити ДАШТ-ий дараа ээлжит наймааны шуургыг дэгдээх бололтой. Юуны түрүүнд тэд хамгаалалтдаа анхаарлаа хандуулж байгаа бөгөөд Интерийн Бурдиссог сонирхож байгаа гэнэ.