‘Америкчуудыг бурхан ивээг” гэж Яанкууд өөрсдөө хэлэх дуртай. Тэгвэл хэсгийн сүүлийн тоглолтонд үнэхээр л бурхан тэднийг ивээжээ. Цаг дуусах мөч хүртэл Америкчууд шөвгийн 16-д шалгарах найдвар тун бага байлаа. Гэвч Яанкуудын супер од Лэндон Донован гоол оруулж багаа дараагийн шатанд үлдээж байна. Нэг талаараа энэ үр дүн шударга гэж хэлж болох. Учир нь тоглолтын эхэнд Америкчуудын нэг гоолыг шүүгч алдаа гаргаж отон гэж үзсэн юм. Алжирчууд хэдийгээр ялагдсан ч гэсэн тун сайн тоглосныг нь дурьдах хэрэгтэй. Цаг дуусах мөчид багийн ахлагч  Антар Яхья нь хөөгдөж хүн дутуу тэд тулааныг дуусгасан.
Цөлийн үнэгнүүд хожсон ч гэсэн өөрсдийгөө хасагдах шатад үлдэх боломж бага гэдгээ мэдэж байсан. Гэхдээ ДАШТ-ийг ялалтаар дуусгахыг хүсэж байсан нь дамжиггүй. Шүгэл дуугараад дөнгөж 6 минут өнгөрч байхад  Рафик Жеббурын баруун хөлийн цохилт шон онож Америкчуудыг сандаргалаа. Тоглолтын эхлэлийг ийнхүү ширүүн тавьсан ч Алжирчууд энэ гайхалтай эрч хүчээ удаан хадгалж чадсангүй. Гэхдээ л  Рафик Жеббур Америкчуудын зүрхэнд шар ус хуруулсан хэвээр байсан. Лофтус Версфелд цэнгэлдэхэд энэ үдэш Америкийн ерөнхийлөгч асан Билл Клинтон ирж тоглолтыг үзсэн юм.  Клинт Демпси болон Эркулес Гомес нарын довтолгоо Алжирийн 16 хүртэл өрнөж байсан эцсийн төгсгөл дээрээ бүтэлгүйтэж байлаа. 21 дэх минутад Гомесийн дамжуулсан бөмбөгийг Демпси хаалга руу чихсэн ч шүүгч отон гэж тугаа өргөлөө. Удаад шруулсан бичлэгээс харахад гоол энэ отон байш байсан нь тодорхой болсон. Алжирийн хаалгач Раис Мболхи 36 дахь минутад Демпсигийн бас нэгэн аюултай цохилтыг хааж багаа аварсан. Мболхигээс гадна хаалганы шон ч Алжируудыг нэг удаа аварсан бөгөөд 56 дахь минутад өнөөх л Демпси довтолж Мболхигийн хаалганы их тал руу цохисон ч шон түүнд саад болжээ. Гэвч эцсийн эцэст үнэн ялж сайн тоглосон баг нь яллаа. Цаг дуусах мөчид Америкийн шигшээ багийн бүх цаг үеийн мэргэн бууч Донован гоол оруулж Америкчуудын мөрөөдлийг үргэлжлүүлэх боломжтой болсон. Тэрээр тоглолтын дараа ярихдаа гоолын баяраа эхнэртээ зориулсан гэжээ.

Энэ тоглолтонд 2 багийнхан нийт  35  удаа цохилт гүйцэтгэсэн нь одоогоор 2-рт орох үзүүлэлт. Португал Хойд Солонгосын тулааны үеэр нийт 40 удаа цохилт хийж байсан юм.

Претория. Стадион “Лофтус Версфелд”. 35,827 үзэгч . Талбайн шүүгч - Франк Де Блекере (Бельги). АНУ- Алжир- 1:0 (0:0) Донован, 90+1 (1:0). США Алжир Тим Ховард Раис Мболхи Джонатан Борнштейн (80) Маджид Бугерра Джей Демерит Рафик Аллиш Карлос Боканегра Антар Яхья Стив Черундоло Фуед Кадир Клинт Демпси Хассан Йебда Майкл Брэдли Меди Ласен Морис Эду (64) Надир Бельхадж Лэндон Донован Карим Матмур (85) Джози Алтидоре Карим Зиани (69) Эркулес Гомес (46) Рафик Джеббур (65) Сэлгээ Бенни Фейлхабер, 46 Абделькадер Геззаль, 65 Эдсон Баддл, 64 Адлен Гедиура, 69 ДаМаркус Бисли, 80 Рафик Саифи, 85 Шар хуудас Джози Алтидоре, 62 Хассан Йебда, 12 ДаМаркус Бисли, 90 Антар Яхья, 76 Меди Ласен, 83 Антар Яхья, 90+3 (2 жк)

***

C ХЭСЭГ

#	Баг	Т/Т	Х	Т	Хж	+/-	Оноо
1	АНУ	3	1	2	0	4-3	5
2	АНГЛИ	3	1	2	0	2-1	5
3	СЛОВЕН	3	1	1	1	3-3	4
4	АЛЖИР	3	0	1	2	0-2	1