Энэ зун НБА-ын олон супер одууд, сайн тоглогчид чөлөөт агент болоод байна. Энэ нь ирэх улиралд хангалттай цалингийн зай гаргаж чадсан Чикаго, Нью-Жерси, Нью-Йорк, Майами зэрэг багуудад ашигтайгаар тусаж, тэд зах зээл дээр сайн ажиллаж, азтай одтой байвал лигийн хамгийн хүчирхэг баг болох боломж байна. Ингээд топ 25 чөлөөт агентуудыг Ball Don`t Lie нэрлэснийг танилцуулъя.

11-25

10. Пол Пирс

Пирст багаасаа явах бодол байхгүй нь мэдээж. Харин нас нь явж байгаа тул гайгүй байгаа дээрээ аятайхан гэрээ хийхийг хүсэж байгаа. Ирэх жил тэр 21.5 саяын цалин авах гэрээтэй. Гэхдээ үүнийгээ цуцлаад чөлөөт агент болж байна. Ирэх зуны Пирсийн үнэ өнөөдрийн Пирсийн үнээс доор байх нь мэдээж. Тэгэхээр Пирс зүгээр л томхон гэрээг эртхэн хийхийн тулд чөлөөт агент болж байгаа хэрэг.

9. Руди Гэй

(Мемфистэй шинэ гэрээ байгуулсан)

8. Дэвид Ли

Ли Никст 5 улирал тоглохдоо цөөхөн хожсон ч маш өндөр хувьтай довтолж, олон самбараас авалт хийж байсан. Гэхдээ тэр Никсээс өөр багт, өөр системд хэрхэн тоглох бол?

7. Жо Жонсон

Ерөнхийдөө Хоукстаа үлдэхээр тохиролцсон гэж агент нь мэдэгдээд байна. 6 жилийн 119 сая доллар. Аймаар том гэрээ байгаа биз. Бусад багуудын өгч чадах дээд хэмжээнээс бараг 27 саяар илүүг Хоукс санал болгосон гэсэн.

6. Карлос Бузер

Тэр оноо авч чадна, тэр самбараас авч чадна. Оноо авагчдад маш мөнгө төлдөг, самбараас авагчдад ч маш их мөнгө төлдөг. Энэ бол НБА. Багууд хүчний довтлогчийн байрлалд Бошийн дараа Бузерийг сонирхох нь гарцаагүй.

5. Дирк Новицки

Пирстэй л адилхан. 32 настай тэрээр олон жилийн, мега гэрээ хүсэж байгаа. 4 жилийн 80 саяын гэрээг харилцан тохироод байна гэсэн мэдээ гарч. Жо Жонсонтой харьцуулвал арай бага л юм.

4. Амаре Стаудмайр

Амаре хэдийгээр том од ч харьцангуй цөөн баг, эсвэл тэр багууд нь тийм ч идэвхтэй сонирхохгүй байх шиг. Гэмтэл бэртэл, түүний хамгаалалт зэрэг нь багуудыг болгоомжлуулж байж болох. Сансаас гадна Никс, Хиттэй нэр холбогдож байгаа.

3. Крис Бош

3 гол дүрийн нэг. ЛеБронтой, эсвэл Уэйдтэй нэг баг болох гээд байх шиг. ЛеБрон + Бош уу, Уэйд + Бош уу?

2. Дуэйн Уэйд

Хитдээ үлдэх байх гэж бодож байна. Явлаа гэхэд төрөлх Чикагодоо ирэх болов уу. Сайтуудаар гарсан мэдээгээр бол Уэйд энэ долоо хоногт шийдвэрээ гаргана гэж. Ямар ч байсан Буллзтай ойрмогхон 2 ч уулзсан гэнэ.

1. ЛеБрон Жеймс

1997 оны зун Майкл Жордан чөлөөт агент болсноос хойш хамгийн том чөлөөт агент нь ЛеБрон болж байгаа. 6 баг ЛеБронд хамгийн дээд хэмжээний гэрээ санал болгох боломжтой.

Топ чөлөөт агентууд, 10.0 out of 10 based on 5 ratings