ФИФА-аас ДАШТ-ийн хагас шигшээ тоглолтуудыг шүүх шүүгчдийг зарлалаа. Шүүлтийн хувьд маш их доголдолтой болж буй энэ ДАШТ-ийн хамгийн чухал тоглолтуудад алдаа гаргахгүй шүүвэл дэлхийн олон сая хөлбөмбөг сонирхогч нар баярлах болно.

Уругвай – Голландийн тоглолтыг Равшан Ирматов шүүх бол Герман – Испаний тоглолтыг Виктор Кассай шүүх нь.

Р.Ирматов нь одоо 32 настай, Узбекийн иргэн. 2008 оны Клубуудын ДАШТ-ийн шигшээ тоглолтыг шүүж байсан, мөн энэ ДАШТ-ийн нээлимйн тоглолтыг шүүсэн байна. Тэрээр 1934 оноос хойш ДАШТ-ийн нээлтийн тоглолтыг шүүсэн хамгийн залуу шүүгч болсон гэнэ. Ирматовийн туслахуудаар Рафаель Ильясов, Казакстаны Бахадыр Кочкаров нар, харин 4 дэх шүүгчээр Ючи Нишимура, нөөцний шүүгчээр Тору Сагара нар ажиллах болжээ.

Кассай нь одоогоор энэ ДАШТ-д 3 тоглолт шүүгээд байгаа. Түүнд тусалж шугамын шүүгчийн ажлыг Унгарын Габор Эрос, Тибор Вамос нар, 4 дэх шүүгчээр Бельгийн Франк де Блекир, нөөцөөр Питер Херманс нар гарах нь.