Өнгөрсөн улиралд АС Миланыг дасгалжуулсан Леонардо эх орныхоо шигшээ багийг удирдахад татгалзах зүйлгүй гэжээ. ДАШТ-ээс хасагдсаны дараа Бразилийн хөлбөмбөгийн холбоо Дунгаг ажлаас нь чөлөөлсөн учраас одоогоор Бразилчууд дасгалжуулагчгүй байгаа. Дунга 2006 оны ДАШТ-ий дараачаас шар өмсгөлтнүүдийг удирдсан бөгөөд 2007 оны Копа Америка, 2009 оны тив хоорондын цомын тэмцээн гээд чамгүй амжилт үзүүлсэн ч хамгийн гол тэмцээн болох ДАШТ-д амжилт гаргаж чадаагүй учраас халагдсан юм.
Леонардогийн хувьд өдгөө 40 настай. Өнгөрсөн жил дасгалжуулагчын карьераа эхлүүлж АС Миланы жолоог атгасан ч амжилт олж чадаагүй учраас улиралын төгсгөлд халагдсан юм. Бразилийн хөлбөмбөгийн холбоо шинэ дасгалжуулагчаа энэ сарын сүүлээр зарлах юм.