Амаре Стаудмайр, Робин Лопес. Тэгээд Дэвид Ли.

Голден Стэйтийн довтлогч Дэвид Ли ДАШТ-д бэлдэж байгаа багтаа дахин нэгдэх боломжгүй болжээ. Ли бэлтгэл дээр хуруугаа гэмтээсэн гэж өмнө нь мэдээлсэн. Сан-Франциско руу нисэж, Билл Грин гэх эмчээр нарийн шинжилгээ хийлгэхэд Лиг 6 долоо хоног тоглох боломжгүй гэсэн онош тавьсан байна.

Ли шигшээ багийн бэлтгэлийн эхний өдөр л гэмтсэн юм.

Уириорзийн бэлтгэл нээгдэх үеэр Ли бэлэн болох аж. Тэрээр энэ зун Уириорзтой 6 жилийн 80 сая долларийн гэрээ байгуулаад байгаа бөгөөд өнгөрсөн улиралд Нискийн бүрэлдэхүүнд тоглохдоо 20.3 оноо, 11.7 самбараас авалт дунджилсан болно.

Шигшээ багийн дасгалжуулагч Майк Кржижевски хэлэхдээ “Тэр үнэхээр тоглохыг хүсэж байсан учраас надад харамсалтай байна. Тэр надад хэлэхдээ хувийн онгоцны зардлыг өөрөө төлөөд эмчтэй зөвлөлдөөд эргээд ирнэ гэсэн” гэжээ.

“Амаре, Робин тэгээд Лиг алдсан нь харамсалтай. Робин бол 11, 12 дахь тоглогч болохыг төлөө оролдож байсан. Бидэнд оноо авдаг том тоглогч хэрэггүй. Манай том тоглогчид блок тавьж, самбараас сайн авч, хамгаалалтанд сайн оролцдог байх нь л чухал. Робин үүнд сайн тохирч байсан” гэж дасгалжуулагч К хэлж байна.

Одоогоор цугларалтанд 19 тоглогч үлдсэн бөгөөд 7 нь хасагдана.

Ражон Рондо, Чонси Биллапс нарыг холбодог, шиддэг 2 хамгаалагчаар, Дюрант, Руди Гэй нарыг хөнгөн, хүчний довтлогчоор, Одомийг төвөөр гэсэн байдлаар гарааны 5-д илгээж магадгүй гэсэн таамаг байгаа гэнэ. Уг нь Руди Гэйн оронд Амаре гэсэн анхны зураглал байсан бололтой.

Эхний бэлтгэл дээр Биллапс – Рондо гэсэн дуог нэг баг болгож, Деррик Роузийг Рассель Вестбруктэй, эсвэл Тайрак Эванстай хоршуулж байсан гэнэ. Рондо, Эванс, Роуз, Вестбрук нар өнгөрсөн улиралд нийт 385 удаа холын шидэлт хийснээс ердөө 92-ийг нь л оновчтой болгож байсан. ФИБА-ын тэмцээний 3-ын шугам НБА-с 3 алхмын ойр ч тэдгээр залуу хамгаалагч нарын хэн нь ч найдвартай шидэгчид биш юм. Шигшээд байгаа хамгийн сайн шидэлт бүхий холбогч нь мэдээж Биллапс. Биллапс сүүлийн 12-т багтаад зогсохгүй гарааны тоглогч болох нь тодорхой биз.

Майк Кржижевски эдгээр олон холбон тоглогчдын зөвхөн 1-ийг нь биш, 2-ыг нь зэрэг талбайд түлхүү тоглуулах бололтой. 2008 онд Пол, Дерон нарыг хамтад нь олон минут тоглуулсан шиг. Ер нь ямар ч тохиолдолд Биллапс тэрхүү 2 хамгаалагчийн 1 байх болов уу. Магадгүй Роуз-Биллапс хамтдаа гарах ч юм бил үү?