Итгэл найдвар дагуулан Лондонд газардаж байсан Бразил гаралт Хорват довтлогч Эдуардог Арсенал Украйны Шахтёр Донецк руу үдэж, Эдуардо Шахтёртай 4 жилийн гэрээ байгууллаа.

27 настай Эдуардо Украйны багийн эмнэлгийн үзлэгийг амжилттай давж, 7 хоногийн 50 000 фунтийн цалинг зөвшөөрч гарын үсэг зуржээ. Шахтёр мөн Арсеналд ойролцоогоор 7.5 сая фунт төлсөн бололтой.

ПЛ-ийн Астон Вилла, Ла Лигийн Валенси, Лиг 1-ийн Олимпик Лион багууд Эдуардог мөн сонирхож байсан ч тоглогч зүүн Европын багийг илүүд үзэж.

Арсенал Мароун Чамахийг Бордогоос авсан тул Эдуардог явуулж байгаа нь тодорхой.

Түүний Англид байсан үеийг эргэн дурсахад шууд л нөгөө аймшигтай хөлөө хугалуулсан нь хамгийн түрүүнд санаанд орж байна.