Бразилийн шигшээ багийн шинэ дасгалжуулагчаар Мираси Рамальо томилогдож магадгүй. 54 настай Рамальо нь одоо Флуминенсе багийг удирдаж байгаа бөгөөд түүний баг Бразилийн Сери А лигийг 22 оноотой тэргүүлж байгаа юм. SporTV -гийн мэдээлснээр бол Бразилийн ХХ-ны ерөнхийлөгч Рикардо Тэйксэйра өчигдөр түүнтэй уулзаж Бразилийн шигшээг дасгалжуулах санал тавьсан бөгөөд мань эр ч хүлээж авсан гэнэ. Гэхдээ албан ёсоор ямар нэгэн гэрээ хийгдээгүй байгаа учраас түр харзнах нь зөв байх. Мираси дэлхий нийтэд тийм ч танил биш. Гэхдээ нутгийнхаа лигт тэр тоймгүй олон амжилт үзүүлсэн бөгөөд 2006–2009 оны хооронд Сан Паулуг Бразилийн лигт 3 жил дараалаад түрүүлүүлсэн юм.
Энэ жилийн Бразилийн лиг 12 сард дуусна. Харин Рамальо клубтээ үлдэж давхар Бразилийн дасгалжуулагч болох уу эсвэл дангараараа шигшээ багаа удирдах уу гэдгээ удахгүй шийдэх байх.