2004 онд Жозе Моуриньотой хамт Аваргуудын лигийн түрүү хүртэж байсан Рикардо Карвальо хуучин дасгалжуулагчтайгаа уулзахыг хүсэж байна. Өөрөөр хэлбэл Карвальо Реал Мадрид уу шилжихэд ойрхон байгаа юм байна. Реалд ирсэн цагаасаа арын албаа хүчирхэгжүүлэх талаар Жозе шийдвэртэй арга хэмжээнүүд авч байгаа.

Испаний AS сонинд өгсөн ярилцлагадаа Карвальо ”Хэрвээ Реалд тоглох боломж олдох юм бол одоо ч гэсэн гүйгээд Мадрид руу очмоор л байна. Уг нь Челси намайг энэ зун явуулна гэж амласан юм. Дэлхийн хамгийн шилдэг багт шилдэг дасгалжуулагчтай хамт ажиллана гэдэг миний хувьд мөрөөдөл л гэсэн үг.

Моуриньотой би Порту, Челсид хамт ажиллаж байсан болохоор тун сайн мэднэ. Би энэ багт 6 жилийг өнгөрүүлэхдээ олон гайхалтай амжилт үзүүлсэн ч гэсэн Реалд тоглох бол  миний мөрөөдөл гэдгийг дахиж хэлмээр байна” гэжээ. Эх сурвалжуудын мэдээлж байгаагаар Челси 5 сая фунтээр Карвальог явуулахад бэлэн байгаа юм байна.