Английн Арсенал клубын зохион байгуулдаг ”Эмирэйтс цом”-ын тэмцээн эхэллээ. Энэхүү улирлын өмнөх бэлтгэл маягийн тэмцээн 4 дэх жилдээ зохион байгуулагдаж байгаа бөгөөд 4 баг нэг хэсэгт хуваагдаж тойргоор өрсөлддөг. Өнгөрсөн шөнө эхний тоглолтууд явагдлаа. Шотландын Селтик клуб Францын Лионтой 2 : 2-оор тэнцжээ. Лиончууд эхлээд 2 гоол оруулан тоглолтыг тэргүүлж байсан ч цаг дуусахаас 10 минутын өмнө Селтикчууд come back хийн 2 гоол нөхөж оруулжээ.

Селтик 2 : 2 Лион (Хүүпер 82′ Самарас 89′), (Бастос 28′ Новилло 54′)

Celtic: Lukasz Zaluska, Scott Brown (c), Marc-Antoine Fortune (Georgios Samaras, 68), Cha Du-Ri (Andreas Hinkel, 58), Milan Misun, Joe Ledley (Shaun Maloney, 58), Glenn Loovens (Thomas Rogne, 58), Aiden McGeady, James Forrest, Pilip Twardzik (Charlie Mulgrew, 68), Gary Hooper

Olympique Lyonnais: Remy Vercoutre, Dejan Lovren, Kim Kallstrom (Maxime Gonalons, 84), Michel Bastos (Yannis Tafer, 46), Anthony Reveillere, Jean Makoun (Jeremy Pied, 70), Clement Grenier (Loic Abenzoar, 60), Nicolas Seguin, Alexandre Lacazette (Enzo Reale, 60), Samuel Umtiti, Harry Novillo (Maxime Blanc, 70)

Харин АС Милан талбайн эзэн Арсеналтай тоглож мөн 1 :1-ээр эвийн гэрээ байгуулсан байна. Арсеналын шинэ зэрэг Маруне Чамах Эмирэйтс цэнгэлдэхэд дебутээ хийж анх удаа гараанд багтсан. Мөн Болтонд зээлээр тоглож байгаад эргэн ирсэн Жэк Уйлшир гараанд багтжээ. Харин АС Миланы хувьд Алешандре Пато, Боррьело нар довтлгооныг бүрдүүлж, хуучин Буучдын нэг Фламини Лондонд эргэн ирсэн байв. Тоглолт тийм ч сонирхолтой эхлээгүй. Харин 36 дахь минутад Андрэй Аршавин Миланы дөрвөн тоглогчдын дундаас ухаалаг дамжуулалт өгч түүнийг Чамах чулуу болгосон. Франц эрийн хувьд гайхалтай дебут гоол байлаа. Харин тэнцээний бөмбөгийг Алешандре Пато 77 дахь минутад чөлөөт цохилтоос мөргөж оруулсан. Өнөөдөр тэмцээний дараагийн тойрогт Милан-Лион, Арсенал-Селтик гэсэн тоглолтууд явагдана.

Arsenal: Fabianski, Vermaelen, Koscielny, Eboue (Sagna 46), Gibbs (Clichy 46), Frimpong (Djourou 69), Rosicky (Walcott 46), Nasri, Wilshere, Arshavin (Vela 62), Chamakh (Randall 72)