Америкийн Балтиморт өнгөрсөн улирлын хамгийн өндөр амжилтын эзэн Интер Милан баг Английн хүчирхэг Манчестер Сититэй нөхөрсөг тоглолт хийж 3:0-ээр бут ниргэлээ.

21 дэх минутанд Ситигийн туршлагатай тоглогч Патрик Виейра улаан хуудас авч талбайгаас хөөгдсөн нь тоглолтын үр дүнд том нөлөө үзүүлсэн байна.

Залуу тоглогч Обинна жигүүрээр довтолж 2 гоол хийсэн бол тоглолтын 3 дахь гоолыг Кристиано Бираги гэх вундеркинд холоос маш хүчтэйн дээр яг 90-ийн буланд галзуу цохиж хийсэн байна.

Интерээс Ситид шилжиж байгаа Марио Балотелли энэ тоглолтын сэлгээнд ч байсангүй.

Мөн Ситигийн дасгалжуулагч Р.Манчини гэр бүлийн шалтгааны улмаас багаа удирдаагүй, тоглолтыг өнжсөн юм.

Ситигийн хувьд Америкаар аялсан тоглолт нь дуусаж байгаа бол Интер одоо Филадельфид ирсэн, тэндээсээ Торонтод очих бөгөөд Панатинайкостой тоглоно.

ИНТЕР МИЛАН – MAНЧЕСТЕР СИТИ 3-0
Гоол: 39 ‘,54′ Обинна, 74′ Бираги

ИНТЕР: 12 Castellazzi, 4 Zanetti (62′ Alibech 31), 2 Cordoba, 23 Materazzi (78′ 40 Nwankwo), 26 Chivu (62′ Biraghi 34), 19 Cambiasso (62′ 5 Stankovic), 17 Mariga (22 ‘st Dell’Agnello 54), 33 Obinna (72′ Biabiany 50), 29 Coutinho (72 ‘ 30 A. Mancini), 20 Obi (62′ 57 Natalino) 27 Pandev (62′ 9 Eto ‘o).

МАН.СИТИ: Hart 24 (45 1 Given) 5 Zabaleta, 28 Kolo Toure (64′ Boyota 38), 33 Kompany (79′ 7 Ireland), 3 Bridge (1′ st Cunningham 45), 11 Johnson 24 Vieira, 42 Yaya Touré (45′ Lescott 19), 18 Barry (55′ 8 Wright-Phillips), 27 Jo Silva (75′ Richards), 9 Adebayor.

Үзэгч: 36,569.