Хойд Америкаар аялан тоглолт хийж байгаа Италийн Интер эхлээд Манчестер Ситиг бут ниргэж гараагаа сайн эхэлсэн ч 2 дахь тоглолтоо Канадын Торонто хотод Грекийн Панатинаикостой хийж 2:3-аар хожигджээ.

Интерийн дасгалжуулагч Рафаель Бенитез багийнхаа гарааны бүрэлдэхүүнд Лусио, Майкон, Диего Милито болон Тьяга Мотта зэрэг өнгөрсөн улиралд голлох үүрэг гүйцэтгэсэн тоглогч нараа гаргалгүй амрааж, оронд нь Матерацци, Марига, Обинна зэрэг тоглогчдыг гаргасан байв.

Харин Панатинайкос хамгийн хүчтэй бүрэлдэхүүнээ гараанд илгээж, энэ нь ч үр дүнгээ өгч 22 дахь минут гэхэд л тэд 2:0-ээр тэргүүлж эхэлжээ. 2 гоолыг 2-ууланг нь экс Ливерпуль Жибриль Сиссе оруулсан юм.

Интер 10 минутийн дараа зөрүүг багасгаж, Самуэль ЭтоО 2:1 болгосон ч мөн 10 минутийн дараа Грекийн багийн Лето тоог 3:1 болгосон байна.

2-р үеийн дунд Бенитез талбайд Лусио, Майкон, Милито болон Мунтари нарыг гаргасан ч Интер 1-ээс илүү гоол хийж чадсангүй хожигджээ.

Тоглогчдын дараа энэ тоглолт, хожигдол манай залуу тоглогчид, баг сайжрахад туршлага болно гэж Бенитес хэлсэн байна.

Интер — Панатинаикос 2:3

Гоол: Это’О, 32; Коутинью, 85 – Сиссе, 13, 22; Лето, 42

Интер: Орландони, Дзанетти (Наталино, 18; Майкон, 73), Кордоба (Бираги, 46; Самюэль, 73), Матерацци (Бурдиссо, 46; Лусио, 73), Киву (Мунтари, 73), Обинна (Биабиани, 46), Марига (Станкович, 46), Камбьяссо (Коутинью, 46), Оби (Нвакво, 46), Это’О (Алибец, 46; Сантон, 73), Пандев (Мансини, 46; Милито, 73).
Панатинаикос: Тзорвас, Винтра (Сейтаридис, 62), Сариеги, Канте, Спиропулос (Бярсмайер, 62), Симау (Чаралампос, 90), Кацуранис (Карагунис, 62), Гову (Маринос, 62), Нинис (Димуцос, 80), Лето, Сиссе (Петропулос, 80)