Олимпоос хойш багагүй хэл ам татлаад байсан Агуу Майкл Фелпс Лондоны олимпийн бэлтгэлдээ шаргуу оржээ. Хүүхдийн олимпийн элчээр ажиллахын сацуу бэлтгэлээ ч чамбай базааж байгаагаа өчигдөр болсон АНУ-ын усанд сэлэлтийн АШТ дээр нотоллоо.

Өөрийн 8 жилийн турш ялагдаж үзээгүй 200 метрийн эрвээхий сэлэлтийн төрөлд тэр сэтгэлзүйн багагүй дарамттай уралдсан ч өөрийгөө, өрсөлдөгчиддөө, олны хэл амыг даван ялж улмаар дэлхийн рекорд тогтоосноор АНУ-ын 49 дэх удаагийн алтан медалиа хүртжээ.

Майкл Фелпс олимпийн 14 алт, 2 хүрэл медальтайгаас гадна 37 удаа дэлхийн рекордыг эвдсэн, дэлхийн олон удаагийн аварга билээ.