Энэ оны арваннэгдүгээр сард Олон улсын боксын холбоо (AIBA)-ны сонгуулийн их хурал Казахстанд болох бөгөөд одоогийн байдлаар эрх баригч Ерөнхийлөгч Чин-Күо Ү дахин нэрээ дэвшүүлэхээ албан ёсоор мэдэгджээ. Харин AIBA-г 20 жил ноёрхсон, Пакистаны босс А.Чаудри 49 хоногийн өмнө 86 насандаа ертөнцийн мөнх бусыг үзүүлсэн юм. Олимп, дэлхийн аваргыг төрүүлж, дэлхийн боксод нөлөө бүхий Монголын олимпийн боксын холбооноос Ерөнхийлөгч Д.Цогбаатар AIBA-гийн гүйцэтгэх зөвлөлд нэрээ дэвшүүлэх гэж байна. Тэрбээр өдгөө AIBA-гийн салбар комиссийн гишүүний сонгуультай билээ.