Өнгөрсөн шөнө олон сонирхолтой нөхөрсөг тоглолтууд боллоо. Английн шигшээ баг Өмнөд Африк дахь таагүй дурсамжаа бага ч гэсэн бүдэгрүүлэх эхний оролдлогоо хийв. Тэд Унгарийн шигшээг Уэмбли цэнгэлдэхдээ хүлээн аван тоглож 2:1-ээр хожсон байна.

Хэдийгээр Англи эхний гоолыг өөрсдийн хаалганд хийсэн ч  багийн ахлагч Стивен Жеррард дараалан 2 гоолыг хийжээ. Эхний гоолыг тэр 16-ын гаднаас цохиж, 2 дахь гоолоо 3 хамгаалагчийн дундаас хийсэн юм.

ДАШТ-ийг өнжсөн Шведийн баг Шотландтай тоглож Златан Ибрахимович, Эмир Бахрами, Ола Тойвонен нарын гоолын ачаар талбай дээрээ 3:0-ээр хожлоо. Крэйг Левейн Шотландийн менежерийн хувиар анхны ялагдлаа хүлээсэн байна.

Марадонагүй болсон Аргентиний баг Ирландтай тоглож 1:0-ээр хожиход Ди Мариа ганц гоолыг хийв. Аргентиний довтолгоог Месси, Ди Мариа, Игуайн нар бүрдүүлсэн байна. Ирландийн ахлагч Робби Кин шигшээдээ 100 дахь тоглолтоо хийсэн ч ялагдал хүлээлээ.

ДАШТ-ын 3-р байранд шалгарсан Германы баг Данитай тоглож золгүй тэнцэв. Марио Гомес 19 дэх минутанд тоог нээж, улмаар 73 дахь минутанд Патрик Хельмес 2:0 болгосон ч үлдсэн бага хугацаанд Деннис Роммедаль болон Мадс Юнкер нар 2 гоол хийснээр Копенгагенд болсон тоглолт тэнцжээ.

Францын шигшээг эрс шинэчилсэн Лорен Бланий гараа хожигдлоор эхлэв. Тэд Норвегт 1:2-оор хожигджээ.

Голландийн 3-р гэж хэлж болох баг Донецкт зочлон Украйнтай тоглоод 1:1-ээр тэнцжээ. Голландийн дасгалжуулагч Берт ван Марвик ДАШТ-д оролцсон багаасаа зөвхөн ганц тоглогчийг л Украйнтай хийх тоглолтонд дуудсан байна.

ОХУ-ын шигшээ баг Дик Адвокатийн удирдлага дор анхны тоглолтоо Болгарийн эсрэг хийж 1:0-ээр хожжээ. Цорын ганц гоолыг 6 дахь минутанд Р.Широков хийсэн байна.

Дашрамд хэлэхэд 9-р сарын 3-нд Европын аварга шалгаруулах тэмцээний урьдчилсан тоглолтууд эхлэх юм.

Тоглолтуудын дүн:

Дани – Герман – 2:2 (0:1)
Гоол: Роммедаль, 74; Юнкер, 87 – Гомес, 19; Хельмес 73
Дани: Соренсен, Кьер, Аггер, Якобсен, С.Поульсен (Томсен, 28), Квист (Лоренцен, 81), М.Йенсен (Шёне, 46), Эневолдсен (Сильбербауэр, 46), Эриксен, Роммедаль, Педерсен (Юнкер, 55)
Герман: Визе, Бек (Ритер, 56), Боатенг (Шульц, 78), Тасчи, Шефер, Хитцльшпергер (Хельмес, 66), Гентнер, Треш, Кроос, Марин (Хунт, 57), Гомес
Копенгаген. «Паркен»

Норвеги – Франц – 2:1 (0:0)
Гоол: Хюсеклепп, 51, 71 – Бен-Арфа, 48
Норвеги: Ярстейн, Хангеланн, Хогли, Й.Риисе, Велер (Рууд, 46), Гринхейм (Солли, 62), Хаугер (Йенсен, 90), Педерсен, Б.Риисе (Шелбред, 87), Хусеклепп, Абделлауе (Демидов, 46)
Франц: Рюффье, А.Сиссоко, Фанни, Мексес, Рами, Мвила (Кабайе, 74), Нзогбия (Менез, 46), Насри (Бриан, 80), М.Сиссоко (Л.Диарра, 46), Оаро (Бензема, 61), Реми (Бен-Арфа, 46)

Украин — Нидерланд 1:1

Гоол: Алиев, 75 – Ленс, 73
Украин: Пятов, Федецкий (Олейник, 77; Чеберячко, 89), Чигринский, Ракицкий, Романчук, Тимощук, Алиев, Коноплянка, Ротань (Кобин, 35), Шевченко (Селезнев, 57), Воронин (Милевский, 46)
Нидерланд: Ворм, Анита (Питерс, 46), Влаар, Брума (Лоовенс, 84), Эмануэльсон, Марселлис, Янссен, Брама (Мадуро, 46), де Йонг (Фер, 63), ван Вольсвинкель (Бееренс 70), Ленс

ОХУ — Болгар 1:0

Гоол: Широков, 6
ОХУ: Акинфеев, Анюков (Колодин, 46), В.Березуцкий, Игнашевич, Жирков (Билялетдинов, 46), Семшов, Широков, Зырянов, Погребняк (Павлюченко, 46), Аршавин (Сычев, 79), Торбинский (Дзагоев, 69)
Болгар: Михайлов, Стоянов, Ангелов (Генчев, 61), Янков (Димитров, 84), Божинов (Рангелов, 46), Манолин, М.Петров (Мисанский, 76), Иванов, С.Петров (Сираков, 89), Попов (Камбуров, 55)

Англи – Унгар – 2:1 (0:1)
Гоол: Жеррард, 69, 73 – Ягейлка, 62-авт
Англи: Харт, Г.Жонсон, Терри (Гиббз, 46), Э.Коул (Доусон, 46), Ягейлка, Бэрри, Лэмпард (Замора, 46), Уолкотт (Э.Янг, 46), Жеррард (Уилшир, 83), А. Жонсон, Руни (Милнер, 67)
Унгар: Кирай, Липтак (Комлоши, 55), Ванчак (Коман, 46), Юхас, Селеши, Вадоч, Джуджак (Хайнал, 46), Елек (Тот, 60), Гера, Хусти (Лачко, 46), Рудольф (Причкин, 83)