Испаний Супер цомын төлөө өнгөрсөн улирлын Ла Лигийн аварга  Барселона, Эзэн хааны цомын аварга Севилья багууд өрсөлдөж, эхний тоглолтонд Севилья 3:1-ээр хожлоо.

Севильягийн талбайд болсон уг тоглолтонд Барселонагийн ДАШТ-д түрүүлсэн Испаний шигшээгийн тоглогчид нь оролцоогүй тул Б багийн олон залуусыг тоглуулахаас өөр арга Пэп Гуардиолад байсангүй. Б багийн 5 тоглогч шууд гарааны бүрэлдэхүүнд гарсан байна.

Эхний гоолыг Максвеллийн дамжуулалтаар Ибрагимович хийж Барса тэргүүлсэн ч 2-р үед Севилья бүрэн давамгайлжээ. Тэдний туршлагатай тоглогчид Барсагийн залуучуудаас илүү байв. Севильягийн довтолгооны шилдэг хослол болох Фабиано, Кануте нар 3 гоол хийсэн байна.

Хариу тоглолт ирэх долоо хоногт Ноу Камп цэнгэлдэхэд болно. Мэдээж Барса хамгийн шилдэг бүрэлдэхүүнээ гаргах нь эргэлзээгүй.

“Хэдий хожигдсон ч 1 гоол хийсэн нь чухал. Зочлон тоглолтын гоол үргэлж чухал байдаг. Хариу тоглолтонд хожихын төлөө хичээж тоглоно. Шигшээ багийн тоглогчид хариу тоглолт гэхэд бүрэн фит болох эсэхийг мэдэхгүй байна. Ирэх долоо хоногийн бэлтгэлүүдээс энэ нь харагдана. Юу болохыг харж байя” гэж Пэп Гуардиола хэлжээ.

Севилья — Барселона 3:1

Гоол: Луис Фабиано, 62; Кануте, 73, 83 – Ибрагимович, 21
Севилья: Палоп, Конко, Фасио, Эскюде, Дабо, Навас, Зокора, Ромарик (Чигарини, 46), Перотти, Ренато (Кануте, 65), Фабиано (Негредо, 72)
Барселона: Миньо, Алвес, Милито (Адриано, 82), Гомес, Абидаль, Ромеу, Кейта, Дос Сантос (Алькантара, 66), Максвелл, Кркич, Ибрагимович (Месси, 64)

Шар хуудас: Зокора, 59; Дабо, 70; Чигарини, 73 – Алвеш, 90
Шүүгч: Фернандес (Овьедо)
Севилья. “Рамон Санчес Писхуан”